ଉତ୍କଳ ଅସ୍ମିତା ଓ ଓଡ଼ିଆ ଭାଷା
ଅଭୟ କୁଣ୍ଡ
ଅଭୟ କୁଣ୍ଡ
ବର୍ତ୍ତମାନ ଆମ ରାଜ୍ୟର ନାମ ଓଡ଼ିଶା ଏହାର ପ୍ରାଚୀନ ନାମ ଉତ୍କଳ କଳିଙ୍ଗ ମଧ୍ୟ ଥିଲା ପ୍ରଥମେ ବୁଝିବା ଓଡ଼ିଶା, ଉତ୍କଳ ଓ କଳିଙ୍ଗ କହିଲେ କଣ ବୁଝିବା ଏକ ଭୌଗୋଳିକ ଅଞ୍ଚଳ ଯେଉଁ ଅଞ୍ଚଳର ଲୋକମାନେ ନିଜ ମନୋଭାବକୁ ପ୍ରକାଶ କରେ ଏକ ଭାଷା ମାଧ୍ୟମରେ ଅନ୍ୟର ଭାବକୁ ସେହି ଭାଷା ମାଧ୍ୟମରେ ବୁଝିପାରେ ତାହା ଓଡ଼ିଆ ଓ ଓଡ଼ିଆ ଭାଷାଭାଷି ଅଞ୍ଚଳକୁ ଓଡ଼ିଶା/କଳିଙ୍ଗ/ଉତ୍କଳ କୁହନ୍ତି
ଓଡ଼ିଆ ଏକ ପ୍ରାଚୀନ ଭାଷା ଓଡ଼ିଶା ଶବ୍ଦଟି ଉଡ୍ରୀୟ ଶବ୍ଦର ରୂପାନ୍ତର ଇତିହାସ କହେ ପ୍ରାୟ ଦୁଇ ହଜାର ବର୍ଷ ତଳେ ଆମ ଅଞ୍ଚଳରେ ଔଡ୍ରୀ ବା ଉଡ୍ରିୟ ନାମକ ଏକ କଥିତ ଭାଷା ଥିଲା ପର କାଳରେ ଏହା ଓଡ଼ିଆ ଭାଷାରେ ବିବର୍ତ୍ତିତ ହେଲା ଏହା ପ୍ରାକୃତ ଭାଷା ମଧ୍ୟ କୁହାଯାଉଥିଲା କାରଣ ଏହା ଜନଗଣ ବା ପ୍ରଜାଗଣଙ୍କ ଭାଷା ମଧ୍ୟ ଥିଲା ଆମ ମାତୃଭାଷା ଭାରତୀୟ ଆର୍ଯ୍ୟ ଭାଷା ପରିବାର ଭୁକ୍ତ ମଧ୍ୟ ସଭ୍ୟତାର ବିକାଶ ହେଲା ବିଶ୍ୱରେ ବିଭିନ୍ନ ଅଞ୍ଚଳରେ ଲୋକମାନେ ଭିନ୍ନ ଭିନ୍ନ ଭାଷାରେ ଭାବ ପ୍ରକାଶ କରୁଥିଲେ ଲୋକମାନେ ଗ୍ରାମ ଗ୍ରାମ ନୁହେଁ ରାଜ୍ୟ ରାଜ୍ୟ ଦେଶ ଦେଶ ମଧ୍ୟରେ ନାନା କାରଣରୁ ଯିବା ଆସିବା, ଭାବର ଆଦାନପ୍ରଦାନ, ବାଣିଜ୍ୟ ବ୍ୟବସାୟ ପାଇଁ ସମ୍ପର୍କ ସ୍ଥାପନ ହେଲା
ସାନ ସାନ ଝରଣା ମିଶି ନଦୀ ସୃଷ୍ଟି ହୁଏ ସେହିପରି ବିଭିନ୍ନ ଅଞ୍ଚଳ ଲୋକମାନେ ପରସ୍ପର ସହ ମିଶିବା ଫଳରେ ଭାଷା ସହ ଭାଷା, ଶବ୍ଦ ସହ ଶବ୍ଦ ମିଶି ଭାଷା ସମୃଦ୍ଧ ହେଲା ପରେ ଲିପି ଉଦଭାବନ ହେଲା ବ୍ୟବହାର ଉପଯୋଗୀ ଅନେକ ଶବ୍ଦ ସୃଷ୍ଟି ହେଲା ଶବ୍ଦର ଭଣ୍ଡାର ବଢ଼ି ଚାଲିଲା ଶାରୋଳା ଯୁଗ ଠାରୁ ଓଡ଼ିଆ ଭାଷାରେ ପୁରାଣ ରଚନା ଆରମ୍ଭ ହେଲା ପରବର୍ତ୍ତୀ କାଳରେ ଓଡ଼ିଶାରେ ପଠାଣ ମୋଗଲ ଇଂରେଜମାନେ ଶାସନ କଲେ ଆମ ଭାଷାରେ ଅନେକ ପାର୍ସୀ ଓ ଇଂରାଜୀ ଶବ୍ଦ ମିଶିଗଲା ପଡ଼ୋଶୀ ରାଜ୍ୟ ତେଲଗୁ, ହିନ୍ଦୀ, ବଙ୍ଗଳା ଶବ୍ଦ ସହ ମୁଣ୍ଡାରୀ, ସାନ୍ତାଳୀ ଶବ୍ଦ ମିଶି ଗଲା ଓ ଆମ ଶବ୍ଦ ଭଣ୍ଡାର ବିଶାଳ ଆକାର ଧାରଣ କଲା ଏବେ ମଧ୍ୟ ନୂଆ ନୂଆ ପ୍ରଯୁକ୍ତିବିଦ୍ୟାର ଶବ୍ଦ ଆମେ ବ୍ୟବହାର କରୁଛୁ ଓ ଏହା ଆଗକୁ ମଧ୍ୟ ଜାରି ରହିବ କିନ୍ତୁ ଯଦି ଭାଷାର ମୌଳିକତା ନଷ୍ଟ ହେବ ତା ହେଲେ ଭାଷା ସଙ୍କଟରେ ପଡ଼ିବ ଓ ଓଡ଼ିଆ ଅସ୍ମିତା ଭୂଲୁଣ୍ଠିତ ହେବ ଅସ୍ମିତା କହିଲେ ଅହମିକାକୁ ବୁଝାଏ
ଆମେ ଆମର କାବ୍ୟ,ପୁରାଣ, ଗଳ୍ପ,ସଙ୍ଗୀତ, ନାଟକ ଧର୍ମ ଗ୍ରନ୍ଥକୁ ନେଇ ଗର୍ବ କରୁ ସମୃଦ୍ଧତା ତଥା ପ୍ରାଚୀନତା ପାଇଁ ଆମ ଓଡ଼ିଆ ଭାଷାକୁ ଶାସ୍ତ୍ରୀୟ ଭାଷାର ମାନ୍ୟତା ମିଳିଛି ଏଣୁ ଆମେ ଗର୍ବିତ ମଧ୍ୟ
ଓଡ଼ିଶାର ଧର୍ମ, ପର୍ବପର୍ବାଣୀ, ଓଷା ବ୍ରତ ସହ ଖାଦ୍ୟ, ବସ୍ତ୍ର ବେଶଭୂଷା ସହ ଭାଷାର ଗଭୀର ସମ୍ପର୍କ ଅଛି ଶିକ୍ଷାର ପ୍ରସାର ଓ ବିଦେଶୀ ଭାଷା ପ୍ରଭାବରେ ଆମ ସମାଜ ଓ ସାମାଜିକ କର୍ମ ପ୍ରଭାବିତ ହୋଇ ଏକ ସଙ୍କଟ ସୃଷ୍ଟି କଲାଣି ।
ମାତୃଭାଷା ଆମ ଭେଜାଲ୍ ହେଲାଣି
ଇଂରାଜୀ ଗଲାଣି ଖାଇ
ଇଂରାଜୀ ମିଶାଇ ଓଡ଼ିଆ କହୁଛୁ
ଭାଷା ଖେଚୁଡ଼ି ବନାଇ ।
ଆମ ରନ୍ଧନଶାଳାରୁ ମନ୍ଦିର ପର୍ଯ୍ୟନ୍ତ ପର୍ବପର୍ବାଣୀ, ବିବାହ ବ୍ରତ, ଖାଦ୍ୟ ପାନୀୟ, ପୋଷାକ ଏମିତିକି କଳିଗୋଳ ଗାଳି ସବୁଥିରେ ଇଂରାଜୀ ଶବ୍ଦ ମିଶିଛି ଓ ଆମ ଖାଦ୍ୟ ମଧ୍ୟ ବଦଳି ଗଲାଣି
ଏଇ ଯେମିତି :-
ମଟନ୍ ଚିକେନ ନୁଡଲ୍ସ ଭେଜ୍
ବ୍ରେକ ଫାଷ୍ଟ ଲଞ୍ଚ୍ ଡିନର୍
ପିଠା ସ୍ଥାନ ଏବେ କେକ ନେଲାଣି
ନିଶା ବ୍ରାଉନ ସୁଗାର୍ ।
ଆମ ପାରିବାରିକ ସମ୍ପର୍କ ମଧ୍ୟ ପ୍ରଭାବିତ ହେଲାଣି ବାପା, ମା, ବୋଉ, ମାମୁ, ଦାଦା, ଅଜା, ଆଇ, ମାଉସୀ ପିଲାମାନେ ଆଉ ଡାକୁନାହାନ୍ତି ନମସ୍କାର ନ କରି ହାଲୋ ହାଏ ଅପସଂସ୍କୃତି ସମାଜରେ ବ୍ୟାପିଲାଣି ହାପି ଶବ୍ଦ ବିନା ପର୍ବପର୍ବାଣୀ ନାହିଁ ମଝିରେ ଭାଷା ବଞ୍ଚାଅ ଆନ୍ଦୋଳନ ହେଲା ମାତ୍ର ଫଳ ଶୂନ ଆମ ବେପରୁଆ ମନୋଭାବ ଯୋଗୁଁ ମାତୃଭାଷା ସଙ୍କଟରେ
କୃଷକ ଶ୍ରମିକ କବି ଓ ଲେଖକ
ସମସ୍ତେ କହିଲେ ମିଶା ଓଡ଼ିଆ
ଗୋଦର ଗୋଡ଼ଟା ହୃଷ୍ଟ ପୃଷ୍ଟ ଦେଖି
କହିବା କି ଆମ ସ୍ୱାସ୍ଥ୍ୟ ବଢିଆ ?
ଓଡ଼ିଆ ଅସ୍ମିତା ସୁରକ୍ଷିତ ରଖିବା ପାଇଁ ଆସନ୍ତୁନା ଶପଥ ନେବା ଓ ଗର୍ବରେ କହିବା
ଆମେ ଓଡ଼ିଆ ଆମ ଭାଷା ବଢିଆ ।
ବଳଭଦ୍ରପୁର,
ନିମାପଡ଼ା , ପୁରୀ
ମୋ ୯୫୫୬୯୮୯୭୨୩
ଆପଣ ଏହି ଲେଖାକୁ ଫେସବୁକ୍, ହ୍ବାଟ୍ସ୍ଆପ୍, ଟ୍ବିଟର୍ ଭଳି ମାଧ୍ୟମରେ ଶେୟାର୍ କରି ପାରିବେ
Go Backଆସ ଓଡ଼ିଆରେ ଲେଖିବା, ପଢ଼ିବା ଓ ପଢ଼ାଇବା
ଡା ଜ୍ୟୋତି ପ୍ରସାଦ ପଟ୍ଟନାୟକ
ପ୍ରତିଷ୍ଠାତା - ସମ୍ପାଦକ, ଆହ୍ବାନ ଇ-ପତ୍ରିକା