ସ୍ବପ୍ନ ଓ ବାସ୍ତବତା
ବୈଦ୍ୟନାଥ ମହାନ୍ତି
ବୈଦ୍ୟନାଥ ମହାନ୍ତି
ସୁଖର ଘଡ଼ି ବହୁତ୍ ଶୀଘ୍ର ବିତିଯାଇଥାଏ ଆଉ ସ୍ୱପ୍ନ କେବେ ବାସ୍ତବତାରେ ପରିଣତ ହେବ ସେଇ ଦିନ ଅପେକ୍ଷାରେ ସମ୍ପୂର୍ଣ୍ଣ ଜୀବନ ଅତିବାହିତ ହୋଇଯାଏ ତଥାପି ମଣିଷ ସ୍ୱପ୍ନ ଦେଖେ ସମସ୍ତ ଦୁଃଖ କଷ୍ଟକୁ ଭୁଲି ସପନ ରାଇଜରେ ବଣିକଟିଏ ହୋଇ ସାଉଁଟି ଥାଏ ଶାନ୍ତିର ମଣି ମାଣିକ ଯେତେବେଳେ ପ୍ରକୃତିସ୍ଥ ହୁଏ ଭାଙ୍ଗିଯାଏ ସେହି ଅଳିକ ସ୍ୱପ୍ନ
ସନ୍ତୋଷ ବାବୁ କୌଣସି ରାଜକୁମାର ଠାରୁ କମ୍ ସୌଖିନ ନଥିଲେ, କଲେଜ୍ ରେ ସବୁଠୁ ଉନ୍ନତ ମାନର ଡ୍ରେସ, ସୁଟ୍ ବୁଟ୍ ପାଇଁ ଖୁବ୍ ଜଣାଶୁଣା ହଁ କୌଣସି ଗୋଟିଏ ବି ପିକଚର ପ୍ରଥମ ଶୋରେ ହିଁ ଦେଖିବେ ଓ ସାଙ୍ଗ ସାଥି ସହ ପଇସାରେ ଅଭାବ ଅସୁବିଧା ଜମା ନାହିଁ ବାପା, ଭାଇ ଓ ମାଆ ତା ପାଇଁ ସମସ୍ତଙ୍କ ବଟୁଆ ଖୋଲା ତା ଅର୍ଥ ନୁହେଁ ଯେ ବାବୁ ପାଠ ପଢ଼ାରେ ପଛୁଆ ସେ ବି ବହୁ ପାରଙ୍ଗମ, ହେଲେ ବହୁତ୍ ସରଳ ବିଶ୍ୱାସୀ ସବୁ କଥାକୁ ବିଚରା ବିଶ୍ୱାସ କରାଯାଏ, ଭାବ ପ୍ରବଣ ମଧ୍ୟ ଏ ସବୁ ଦେଖି ବଡ ଭାଇ ବେଳେ ବେଳେ ଥଟ୍ଟା ମଜାରେ କୁହନ୍ତି ମାଆକୁ ବୁଝିଲୁ ବୋଉ ଏ ଏତେ ସରଳିଆ ଡର ଲାଗୁଛି ୟାକୁ ବାହା କରିବା ପାଇଁ କେମିତି ସଂସାର କରିବ ଯିଏ ଯାହା ମାଗିବ ସବୁ ଏ ଦେଇଦେବ ସହରରେ ଚାକିରିଟିଏ ମିଳିଥାଏ ଜଣେ ଚାଟାର୍ଡ ଆକାଉଣ୍ଟାଣ୍ଟ ପାଖେ ଆର୍ଟିକଲ କ୍ଲର୍କ ପୋଷ୍ଟ, ଭଡ଼ା ଘର ସାନ ଭାଇ ସହ ରହେ ନିଜେ ରୋଷେଇବାସ କରି ସକାଳ ଜଳଖିଆ ଖାଇ ନିଜ ନିଜ ଟିଫିନ୍ ନେଇ ବାହାରି ଯାଆନ୍ତି ଦୁହେଁ ସାନ ଭାଇ ଠିକାଦାର ଭଲ କାମ ଚାଲିଥାଏ ସାନଭାଇ ବହୁତ୍ ମନ ଲଗାଇ କାମ କରୁଥାଏ ଦୁହେଁ ସ୍ୱପ୍ନ ଦେଖୁଥାନ୍ତି ଜଣେ ବହୁତ୍ ବଡ ଠିକାଦାର ଆଉ ଜଣେ ଚାଟାର୍ଡ ଆକାଉଣ୍ଟାଣ୍ଟ ଖୁସିରେ ଦିନ ଗଡି ଚାଲିଥାଏ
ହେଲେ ନିୟତିର ଆଉ କିଛି ମଞ୍ଜୁର ଥିଲା, ସତରେ ଦୁର୍ଦ୍ଦିନ କେତେବେଳେ ଆସିବ କେଉଁ ରୂପରେ ଆସିବ କେହି କହି ପାରିବେ ନାହିଁ କେବଳ ମିଛରେ ସିନା ଆମେ ଗର୍ବ ଅହଙ୍କାର ରେ ଭୁଲ୍ ବୁଝାମଣା ର ଶିକାର ହୋଇ ଥାଆନ୍ତି
ହଠାତ୍ ନିର୍ମାଣାଧୀନ ବହୁତଳ ବିଶିଷ୍ଟ ପ୍ରାସାଦ ଯେଉଁଠି ସାନ ଭାଇର କାମ ଚାଲିଥିଲା ଭୁଶୁଡ଼ି ପଡ଼ିଲା ଶ୍ରମିକ ହତାହତ ହେଲେ ଓ ନିଜକୁ ବଞ୍ଚାଇବା ପାଇଁ ଗୋପନୀୟ ଭାବେ ସ୍ବସ୍ଥାନରୁ ଅନ୍ୟତ୍ର ସ୍ଥାନାନ୍ତର ହେବାକୁ ପଡିଲା ସବୁ ଯେମିତି ଧୂଳିସାତ୍ ହୋଇ ସାରିଛି ସ୍ୱପ୍ନର ମିନାର ଆଖିଆଗରେ ମାଟିରେ ମିଶିଗଲା ନିୟତିର ଖେଳ ବି ବଡ ବିଚିତ୍ର ଘରେ କିଛି ଜଣାଇଲେ କାଳେ ସେମାନେ ମନ ଦୁଃଖ କରିବେ ସେପାଇଁ ଦୁଃଖରେ ରହି ମଧ୍ୟ ଘରକୁ ଏ ବିଷୟରେ କିଛି ନ କହିବା ପାଇଁ କି ପତ୍ର ଲେଖି ଜଣାଇବା ପାଇଁ ଦୁହେଁ ସ୍ଥିର କଲେ ଯାହା ପରବର୍ତ୍ତୀ ସମୟରେ ପରିସ୍ଥିତିକୁ ଆହୁରି ଜଟିଳତର ଓ ଭୟାବହ ବିପର୍ଯୟ ଆଣିଦେଲା
ଯେତେବେଳେ ଭାଗ୍ୟ ପ୍ରତିକୂଳ ଥାଏ ସେତେବେଳେ ଶୁଭ ସମ୍ବାଦ ବି ଜୀବନରେ ଦୁଃଖ ଦେଇଯାଇଥାଏ ଏମିତି ଘଟଣା ଘଟିଲା ସନ୍ତୋଷ ଓଡ଼ିଶା ଲୋକାଲ ଫଣ୍ଡ ଅଡିଟ ଇଣ୍ଟର୍ଭ୍ୟୁରେ ସିଲେକ୍ସନ ହୋଇ ସାରିଛି ନିଯୁକ୍ତି ପତ୍ର ଗ୍ରାମ ଠିକଣାରେ ପୋଷ୍ଟ ଦ୍ୱାରା ପହଞ୍ଚିଛି ଘରେ ସମସ୍ତେ ଖୁସି ଆଉ ସେଇ ଚିଠିଟିକୁ ରିଡାଇରେକ୍ଟ କରି ଦିଲ୍ଲୀ ଠିକଣାରେ ପଠାଇ ଦେଇଛନ୍ତି ହେଲେ ଚିଠି ପହଞ୍ଚିବା ପୂର୍ବରୁ ଭାଗ୍ୟ ସହ ବଦଳି ଯାଇଛି ସନ୍ତୋଷର ଠିକଣା ଏଇତ ଜୀବନ ବାସ୍ତବତା ବହୁତ୍ କଠିନ ବହୁତ୍ ନିଷ୍ଠୁର
ଜୀବନର ସାପ ସିଡି ଖେଳରେ ହାରି ବି ସାହସ ହରାଇ ନଥିଲା ସେ ନିଜର ଅଧ୍ୟବସାୟ ବଳରେ ସମସ୍ତଙ୍କ ପ୍ରିୟପାତ୍ର ବେଳେ ବେଳେ ଭାବେ ନିଜର ଦୋଷ ଦୁର୍ବଳତା କିମ୍ବା ଦୁର୍ଗତିକୁ ନିଜ ଗୁରୁଜନମାନଙ୍କୁ ଲୁଚାଇବା ମହାନ୍ ବିପତ୍ତିକୁ ନିମନ୍ତ୍ରଣ କରେ ଯଦି ସେ ନିଜେ ଘରକୁ ପତ୍ର ଲେଖି ସବୁ ଘଟଣାବଳୀ ଜଣାଇଥାନ୍ତା ତେବେ ହୁଏତ ନିଯୁକ୍ତି ପତ୍ର ନୂଆ ଠିକଣାରେ ପାଇବା ସହ ତା ସ୍ୱପ୍ନ ସାକାର ହୋଇ ପାରିଥାନ୍ତା
ସମୟ ସୁଅରେ କାଗଜ ଡଙ୍ଗା ଭଳି ଭାସି ଚାଲେ ଜୀବନ କେବେ ଏ କୁଳ ତ କେବେ ସେ କୁଳ, କେତେବେଳେ ଅନୁକୂଳ ତ କେବେ ପ୍ରତିକୂଳ ।
ଆପଣ ଏହି ଲେଖାକୁ ଫେସବୁକ୍, ହ୍ବାଟ୍ସ୍ଆପ୍, ଟ୍ବିଟର୍ ଭଳି ମାଧ୍ୟମରେ ଶେୟାର୍ କରି ପାରିବେ
Go Backଆସ ଓଡ଼ିଆରେ ଲେଖିବା, ପଢ଼ିବା ଓ ପଢ଼ାଇବା
ଡା ଜ୍ୟୋତି ପ୍ରସାଦ ପଟ୍ଟନାୟକ
ପ୍ରତିଷ୍ଠାତା - ସମ୍ପାଦକ, ଆହ୍ବାନ ଇ-ପତ୍ରିକା