ଅନ୍ଧାର

କିରନ୍ ସ୍ବାଇଁ

ଅନ୍ଧାରର ରଙ୍ଗ
ସବୁବେଳେ କଳା
ଏଠାରେ ଯଥେଷ୍ଟ ନୁହେଁ,
ଅନ୍ଧାରର ସୃଷ୍ଟି
ଉତ୍ତାପର ଅବସାନ
ଓ ଶୀତଳତାର ଉତ୍ଥାନରେ ।

ଅନ୍ଧାରର ଆଗମନ
ଚନ୍ଦ୍ରର ଶ୍ରେଷ୍ଠତା ଉଚ୍ଚାରଣରେ,
ତଥା ପ୍ରକୃତିର ନିଃସ୍ବାର୍ଥ
କର୍ତ୍ତବ୍ୟପଥରେ
କିଞ୍ଚିତ୍ ଉପଶମ ନିମନ୍ତେ ।






ଅନ୍ଧାରର ପ୍ରତିରୂପ
ଭୟଙ୍କର ନୁହେଁ,
ମଳୟର ମଧୁଝରା ଲଗନେ
ଫୁଲର ଚୁନି ଚୁନି ମହକେ
ପକ୍ଷୀର ଆରାମ ସ୍ବନେ
ମିଠା ସ୍ବପ୍ନର ବିଚରଣେ
ଓ ସୌରମଣ୍ଡଳର
ସୁଶୋଭିତ ସୁନ୍ଦରତାରେ
ଅନ୍ଧାର ଏକ ଆଦୃତ
ନିଷ୍କପଟ ଅନୁଭବ ।
ବରଗଡ଼