ସୁକୁମାରୀ ତୁମେ ନଜରେ ଆସୁଛ

ତାରା ପ୍ରସାଦ ଜେନା

ତୁମ ହାତଲେଖା ମୋ ପାଖରେ ଅଛି
ପଢୁଥାଇ ବାରମ୍ବାର
ସୁକୁମାରୀ ତୁମେ ନଜରେ ଆସୁଛ
ପୀରତିର ଉଜାଗର
ତୁମ ହାତଲେଖା ମୋ ପାଖରେ ଅଛି..... । ୦ ।
ଜାଣି ମୁଁ ନଥିଲି ଫଗୁଣକୁ ମୋର
ବଇଶାଖ କରିଦେବ
ବିରହ ନିଆଁ ଜଳେଇ ଦେଇକି
ଲୁଚକାଳି ଖେଳୁଥିବ ,
କାହାକୁ କହିବି ଯଉବନ କଥା
ଅସହ୍ୟର ହାହାକାର
ତୁମ ହାତଲେଖା ମୋ ପାଖରେ ଅଛି..... । ୧ ।
ସପନର ରଙ୍ଗ ଧୋଇଗଲା କାଳେ
କାନ୍ଦ କାନ୍ଦ ନୀରବତା
ସ୍ମୃତି ବିଜଡ଼ିତ ସମୟରୁ ଖୋଜେ
ମମତାର ମଧୁରତା,
ଫେରିଆସ ପ୍ରିୟା ହାତ ଧରିବାକୁ
କରନାହିଁ ନାରଖାର
ତୁମ ହାତଲେଖା ମୋ ପାଖରେ ଅଛି..... । ୨ ।
ରଣପୁର, ଜିଲ୍ଲା-ନୟାଗଡ଼ ଦୂରଭାଷ- ୯୩୪୮୦୫୪୩୦୦