ଜୀବନର ସ୍ରୋତ

ଟିନା ଚଲାନ

କେତେ ବାଟ ଆଉ ଚାଲିବାକୁ ହେବ
ସମୟର ହାତ ଧରି,
ଚାଲୁଅଛି ଏଠି ଜୀବନ ସଂଗ୍ରାମ
ଜୀବନେ ଜଞ୍ଜାଳ ଭରି ।।

ଚାଲେ ଏଠି ସବୁ ସୂର୍ଯ୍ୟ, ଚନ୍ଦ୍ର, ତାରା
ଦିନ ପରେ ଦିନ ସରି,
ସମୟ ସ୍ରୋତରେ ନିଜକୁ ସମ୍ଭାଳି
ଜୀବନ ଯାଉଛି ଗଡ଼ି ।।









କେବେ ଦୁଃଖ ଏଠି କେବେ ସୁଖ ପୁଣି
ଦୁଇ ଭାଇ ବନ୍ଧୁ ପରି,
କେବେ ଶୀତ କେବେ ବସନ୍ତର ସାଥେ
ଯାଉଅଛି ପତ୍ର ଝଡ଼ି ।।

ଏତେ ଈର୍ଷା, ରାଗ, ଅଭିମାନ କରି
ବଞ୍ଚୁଅଛ କାହିଁ ପାଇଁ?
କେହି ତ ଜାଣିନି ଶେଷ କ୍ଷଣ ପାଇଁ
ବାକି ଅଛି ବେଳ କାହିଁ ।।

ଖଡ଼ିଆଳ, ନୂଆପଡ଼ା