ପାତାଳି ଶ୍ରୀକ୍ଷେତ୍ର

ରିଙ୍କୁ ପଧାନ

ତ୍ରିକୁଟ ଗିରିର ଛାୟା ତଳେ,
ନୀରବ ପଥର କହେ ଗାଥା ଫଳେ,
ଗୁପ୍ତ ଭୂମିରେ ଜାଗେ ଆସ୍ଥା ଗଭୀର,
ପାତାଳି ଶ୍ରୀକ୍ଷେତ୍ର ଧର୍ମର ମନ୍ଦିର୤
ଶଙ୍ଖ-ଚକ୍ର ଲୁଚିଥିଲେ ଗୁହା ମଧ୍ୟରେ,
ବଳଭଦ୍ର, ସୁଭଦ୍ରା, ଜଗନ୍ନାଥ ସହିତେ,
ଅଶାନ୍ତ ସମୟର ଭୟ ଛାୟାରେ,
ଶତ ଚୁଆଳିଶ ବର୍ଷ ରହିଲେ ନିର୍ବିକାରେ୤
ରକ୍ତବାହୁର ଆକ୍ରମଣ ଯେବେ ଆସିଲା,
ପୁରୀ ମନ୍ଦିର କମ୍ପି ଉଠିଲା,
ସୋଭନଦେବ ରାଜା ଆସ୍ଥାରେ ଭରସା,
ତ୍ରିଦେବଙ୍କୁ ଲୁଚାଇଲେ ଗିରି ଗୁହା ମାଝା୤
ଶୈବ, ଶାକ୍ତ, ବୌଦ୍ଧ ଧାରା ଏକାତ୍ମ,
ଏଇ ଭୂମି ଧରେ ସଭ୍ୟତାର ସଂଗ୍ରାମ,
ପଥରେ ପଥରେ ଲେଖା ଇତିହାସ,
ନିରବତାରେ ବୋଲେ ଶତାବ୍ଦୀର ଆବାସ୤




ରଥଯାତ୍ରା ଯେବେ ଗିରିତଳେ ହୁଏ,
ପ୍ରକୃତି ମଧ୍ୟ ଭକ୍ତିରେ ନମ୍ର ହୁଏ,
ବନ, ପାହାଡ଼, ପବନର ଗାନ,
ଜଗନ୍ନାଥ ନାମେ ନାଚେ ଧରା ଧାମ୤
ଆଜି ମଧ୍ୟ ଅବହେଳା ଛାୟା ଛାଡ଼ିନି,
ତଥାପି ଭକ୍ତି କେବେ ହାର ମାନିନି,
ଗୁପ୍ତ କ୍ଷେତ୍ର ହେଲେ ମଧ୍ୟ ମହିମା ଅପାର,
ପାତାଳି ଶ୍ରୀକ୍ଷେତ୍ର ଓଡ଼ିଶାର ଗୌରବ ଧାର
କାଇଶକନ୍ଦା, ଡୁଙ୍ଗୁରିପାଲି, ସୁବର୍ଣ୍ଣପୁର