ଜଗନ୍ନାଥ ତୁମେ

ଡା ଜ୍ୟୋତି ପ୍ରସାଦ ପଟ୍ଟନାୟକ

ଜଗନ୍ନାଥ ତୁମେ ସହାୟ ନ ହେଲେ
କା’ଠାରେ ଭରସା କରିବି?
ଏ ଭବ ସାଗର, ଦୁଃଖ ଦରିଆରେ
ତିଳ ତିଳ ହୋଇ ମରିବି୤
ଜଗନ୍ନାଥ ତୁମେ ସହାୟ ନ ହେଲେ ....
ଜଗନ୍ନାଥ....

ତୁମେ ପରା ପ୍ରଭୂ ଭକତ ବତ୍ସଳ
ମୋ’ଠାରେ ହେ ଦୟା କରିବ
ସକଳ ଜଗତ ମୁହଁ ମୋଡ଼ି ଦେଲେ
ତୁମେ ମୋର ହାତ ଧରିବ୤
ଜଗନ୍ନାଥ ତୁମେ ସହାୟ ନ ହେଲେ ....
ଜଗନ୍ନାଥ....








ତୁମକୁ ଭରସା କରି ମୁଁ ଚାଲିଛି
ଏକା କରିଦେବ ନାହିଁ ମୋତେ,
ସୁଖରେ ଦୁଃଖରେ ହସରେ କାନ୍ଦରେ
ସହାୟ ହେଉଥିବ ମୋତେ୤
ଜଗନ୍ନାଥ ତୁମେ ସହାୟ ନ ହେଲେ ....
ଜଗନ୍ନାଥ....

ସିନିୟର୍ ରେସିଡେଣ୍ଟ୍
ସମ୍ ହସ୍ପିଟାଲ୍, ଶୀତଳାପଲ୍ଲୀ, ଗଞ୍ଜାମ, ଓଡ଼ିଶା