ଅନେକ ବନ୍ଧୁ ଚିନ୍ତାରେ ପଡ଼ିଥାଇ ପାରନ୍ତି ଯେ ଯୌନକ୍ରିୟା ଦ୍ବାରା ସ୍ବାସ୍ଥ୍ୟରେ ଉନ୍ନତି କିପରି ସମ୍ଭବ ? କିନ୍ତୁ ବିଶ୍ବାସ କରନ୍ତୁ, ଏହା ଶତ ପ୍ରତିଶତ ସତ୍ୟ ଏହି ଲେଖାରେ ଯେଉଁ ସବୁ ବିଷୟମାନ ଆମେ ଅଲୋଚନା କରିବା ତାକୁ ପଢ଼ିବା ପରେ ହୁଏତ କିଛି ବନ୍ଧୁ ନିଜ ବିଛଣାରୁ ଉଠିବାକୁ ମନ ବଳେଇବେ ନାହିଁ
୧. ମାନସିକ ଚିନ୍ତାରୁ ମୁକ୍ତି
ଯୌନକ୍ରିୟା ଫଳରେ ଶରୀରରେ ଅନେକ ହର୍ମୋନର କ୍ଷରଣ ହୁଏ, ଯାହା ଦ୍ବାରା ଆନନ୍ଦର ଅନୁଭୂତି ହୋଇଥାଏ ଅକ୍ସିଟୋସିନ୍, ଏଣ୍ଡୋର୍ଫିନ୍ ଇତ୍ୟାଦି ହର୍ମୋନ ରକ୍ତଚାପକୁ କମ କରି ଦିଅନ୍ତି ସ୍କଟଲ୍ୟାଣ୍ଡର ବୈଜ୍ଞାନିକ ମାନଙ୍କ ଗବେଷଣାରୁ ଏହି ତଥ୍ୟ ଉନ୍ମୋଚନ ହୋଇଛି, ଯେ ଯେଉଁମାନେ ସକ୍ରିୟଭାବରେ ଯୌନକ୍ରିୟାରେ ଭାଗ ନିଅନ୍ତି, ସେମାନେ ଉଚ୍ଚ ରକ୍ତଚାପ ଜନିତ ରୋଗ କମ ଭୋଗନ୍ତି ଏବଂ ଏହିପରି ଲୋକମାନେ ମାନସିକ ଚାପକୁ ସହଜରେ ଦୂର କରିପାରନ୍ତି
୨. ବାର୍ଦ୍ଧକ୍ୟ ଦୂର କରେ ଏବଂ ଦୀର୍ଘଜୀବନ ପ୍ରାପ୍ତ ହୁଏ
ସକ୍ରିୟ ଯୌନଜୀବନ ଆପଣଙ୍କୁ ଦୀର୍ଘଜୀବି କରାଇପାରେ ସ୍କଟଲାଣ୍ଡର ରୋୟାଲ୍ ଏଡ଼ିନବର୍ଗ୍ ବିଶ୍ବବିଦ୍ୟାଳରରେ ଜନୈକ କ୍ଲିନିକାଲ୍ ନ୍ୟୁରୋସାଇକୋଲୋଜିଷ୍ଟଙ୍କ ଦ୍ବାରା କରାଯାଇଥିବା ଗବେଷଣାରୁ ଏହି ତଥ୍ୟ ପ୍ରାପ୍ତ ହୋଇଛି ଯେ, ଯେଉଁ ପୁରୁଷ ଓ ମହିଳାମାନେ ସପ୍ତାହରେ ଅନ୍ୟୁନ ଚାରିଥର ଯୌନକ୍ରିୟା କରନ୍ତି ସେମାନେ ସେମାନଙ୍କ ସମବୟସ୍କ ମାନଙ୍କଠାରୁ ଦଶବର୍ଷ ପର୍ଯ୍ୟନ୍ତ କମ ଦେଖାଯାଆନ୍ତି ସେହିପରି ବ୍ରିଟିଶ୍ ମେଡ଼ିକାଲ୍ ଜର୍ନାଲରେ ପ୍ରକାଶିତ ଏକ ଗବେଷଣାତ୍ମକ ସନ୍ଦର୍ଭରେ କୁହାଯାଇଛି ଯେ ଯେଉଁ ମାନେ ଅନ୍ତତଃ ସପ୍ତାହରେ ଥରେ ଯୌନକ୍ରିୟା କରନ୍ତି ସେମାନେ ଅନ୍ୟମାନଙ୍କଠାରୁ ଅଧିକ ବୟସ ପର୍ଯ୍ୟନ୍ତ ବଞ୍ଚିବାର ସମ୍ଭାବନ ବଢ଼ିଯାଇଥାଏ
୩. ହୃତପିଣ୍ଡକୁ ସର୍ବଦା କାର୍ଯ୍ୟକ୍ଷମ ରଖେ
ଯୌନକ୍ରିୟା ଏକ ବ୍ୟାୟାମ ପରି, ଯାହା ଆପଣଙ୍କ ହୃତପିଣ୍ଡକୁ ନିରୋଗ ଓ ସ୍ବାସ୍ଥ୍ୟବାନ ରଖିବାରେ ସାହାଯ୍ୟ କରେ ଗୋଟିଏ ଗବେଷଣାରୁ ଜଣାପଡ଼ିଛି ଯେ ଯେଉଁ ପୁରୁଷମାନେ ସପ୍ତାହରେ ଅନ୍ୟୁନ ଦୁଇଥର ଯୌନକ୍ରିୟା କରନ୍ତି ସେମାନଙ୍କଠାରେ ଅନ୍ୟମାନଙ୍କ ତୁଳନାରେ ହୃଦ୍ଘାତ ରୋଗର ଶୀକାର ହେବାର ସମ୍ଭାବନା ବହୁତ କମ ହୋଇଥାଏ ଯୌନସଂତୃପ୍ତି (ଅର୍ଗାଜ୍ମ) ସମୟରେ ଶରୀରରୁ କ୍ଷରଣ ହେଉଥିବା DHEA ହର୍ମୋନ ଶରୀରରେ ରକ୍ତର ପ୍ରବାହକୁ ତ୍ବରିତ କରିବା ସହିତ, ଶୀରାପ୍ରଶିରାକୁ ସତେଜ ରଖିଥାଏ
୪. ଓଜନ କମାଇ ସୁସ୍ବାସ୍ଥ୍ୟ ପାଆନ୍ତୁ
ଯୌନ କ୍ରିୟା ସମୟରେ ଆପଣଙ୍କ ଶରୀରରୁ ଶକ୍ତି ଅପଚୟ ହୁଏ ଏହା ଦ୍ବାରା ଶରୀରରେ ଅହେତୁକ ଭାବରେ ଜମା ହୋଇଥିବା ଚର୍ବି ଓ କ୍ୟାଲୋରୀ ନଷ୍ଟ ହୋଇଥାଏ ପ୍ରକୃତରେ ଏହା ଏକ ଓଜନ କମ କରିବାପାଇଁ ବ୍ୟାୟାମ କହିଲେ ଅତ୍ୟୁକ୍ତି ହେବନାହିଁ ଗବେଷଣାରୁ ଜଣାଯାଏ ଯେ ଅନ୍ୟୁନ ୩୦ ମିନିଟର ଯୌନକ୍ରିୟା ପରେ ଶରୀରରୁ ୫୦-୩୦୦ କ୍ୟାଲୋରୀ ପର୍ଯ୍ୟନ୍ତ ଶକ୍ତିକ୍ଷୟ ହୋଇଥାଏ ଏହାଫଳରେ ଓଜନ କମ ହେବାର ସମ୍ଭାବନା ରହେ
ଅବଶ୍ୟ ଓଜନ କମ କରିବାପାଇଁ କେବଳ ଯୌନକ୍ରିୟା ଉପରେ ହିଁ ନିର୍ଭରଶୀଳ ହୋଇ ରହିବା ଅନୁଚିତ
୫. ଭଲ ନିଦ୍ରା ହୁଏ
ଯୌନ କ୍ରିୟା ସମୟରେ ଆମ ଶରୀରରେ କ୍ଷରଣ ହେଉଥିବା ଅକ୍ସିଟୋସିନ ନାମକ ହର୍ମୋନ ପ୍ରଭାବରେ ଗଭୀର ନିଦ୍ରା ହେବାର ସମ୍ଭାବନା ବଢ଼ିଥାଏ ଗଭୀର ନିଦ୍ରା ଫଳରେ ସ୍ବାସ୍ଥରେ ଉନ୍ନତି ହୁଏ, ଯେମିତି ମାନସିକ ଚିନ୍ତା ଦୂର ହେବା, ମାନସିକ ସଚେତନତା ବୃଦ୍ଧିପାଇବା, ଚିନ୍ତାମୁକ୍ତ ରହିବା ଇତ୍ୟାଦି ଉତ୍ତମ ନିଦ୍ରା ହୃଦ୍ଘାତ ପରି ରୋଗକୁ ଦୂର କରିପାରେ ବୋଲି ଗବେଷଣା କୁହେ
୬. ରୋଗ ପ୍ରତିଷେଧକ ଶକ୍ତି ବୃଦ୍ଧି ହୁଏ
ଯୌନ କ୍ରିୟା ଦ୍ବାରା ଶରୀରର ରୋଗପ୍ରତିଷେଧକ ଶକ୍ତି / ଇମ୍ୟୁନିଟି ବୃଦ୍ଧିପାଇବା କଥା ବିଭିନ୍ନ ମେଡ଼ିକାଲ୍ ଜର୍ନାଲରେ ପ୍ରକାଶିତ ହୋଇ ସାରିଛି ସପ୍ତାହରେ ଅନ୍ୟୁନ ଥରେ କିମ୍ବା ଦୁଇଥର ଯୌନକ୍ରିୟା କରିବାଫଳରେ ଶରୀରରେ ଇମ୍ୟୁନୋଗ୍ଲୋବୁଲିନ୍ ଏ ର ମାତ୍ରା ବୃଦ୍ଧି ପାଇଥାଏ, ଯାହା ଆମ ଶରୀରକୁ ଥଣ୍ଡା, ଜ୍ବର ଆଦି ବିଭିନ୍ନ ରୋଗରୁ ରକ୍ଷା କରିଥାଏ
ବିବାହିତ ଦମ୍ପତ୍ତିମାନେ ସୋସିଆଲ୍ ମିଡ଼ିଆରେ କରୁଥିବା ୫ଟି ଅସହ୍ୟ ଦୋଷ
ଏଠାରେ ପଢ଼ନ୍ତୁ !
ସାମାଜିକ ଉନ୍ନୟନମୂଳକ କାର୍ଯ୍ୟକ୍ରମ - କାହିଁକି ?
ଏଠାରେ ପଢ଼ନ୍ତୁ !