ଡା ସୁନିଲ୍ କୁମାର କୋଟା
ପୂର୍ବାଭାଷ :
ଥାଇରଏଡ଼ ପ୍ରଜାପତି ସଦୃଶ ଏକ ଗ୍ରନ୍ଥି, ଯାହା ମାନବ ଶରୀରର ଗଳାର ସମ୍ମୁଖଭାଗରେ ଅବସ୍ଥିତ ଏଥିରେ ଦୁଇଟି ବଖରା ରହିଛି ସ୍ବର ପୂଟଳିର ନିମ୍ନଭାଗ(Larynx)ରେ ଏହା ଅବସ୍ଥିତ ଏହା ଦୁଇଟି ହର୍ମୋନ୍ କ୍ଷରଣ କରିଥାଏ, ଟ୍ରାଇଥାଇଡ଼ୋ ଥାଇରୋନିନ୍ (T3) ଏବଂ ଟେଟ୍ରାଥାଇଡ଼ି ଥାଇରୋନିନ୍(T4)/ ଥାଇରକ୍ସିନ୍ ଥାଇରଏଡ଼ ଗ୍ରନ୍ଥି ଶରୀରର ବ୍ୟାଟେରୀ / ଇଞ୍ଜିନ୍ ଭଳି କାର୍ଯ୍ୟକରେ ଉକ୍ତ ଦୁଇଟି ହର୍ମୋନ୍ ଶରୀର ଓ ତା’ର ବିଭିନ୍ନ ଅଙ୍ଗ ଅଭିବୃଦ୍ଧି କରି କାର୍ଯ୍ୟକ୍ଷମ ଏବଂ ଶକ୍ତି ବୃଦ୍ଧିରେ ସହାୟକ ହୋଇଥାଏ ଅନ୍ୟ ଏକ ଗ୍ରନ୍ଥି ମସ୍ତିଷ୍କରେ ରହିଛି ଯାହାକୁ ପିଟ୍ୟୁଟାରୀ କୁହାଯାଏ ପିଟ୍ୟୁଟାରୀ ଗ୍ରନ୍ଥି ଥାଇରଏଡ଼ ଗ୍ରନ୍ଥିକୁ ଉତ୍ତେଜିତକାରୀ ହର୍ମୋନ୍ (TSH) ସୃଷ୍ଟି କରେ TSH (Thyroid Stimulating Hormone) ଥାଇରଏଡ଼ ଗ୍ରନ୍ଥିକୁ ସକ୍ରିୟ କରାଇ ହର୍ମୋନ କ୍ଷରଣରେ ସହାୟତା କରେ ହର୍ମୋନ କ୍ଷରଣ କମ ହୋଇଗଲେ ତାହାକୁ ହାଇପୋଥାଇରଏଡ଼ିଜ୍ମ୍ (Hypo-thyroidism) ବୋଲି କୁହାଯାଏ ଏବଂ ଏହିପରି ସ୍ଥିତିରେ ପିଟ୍ୟୁଟାରୀ ଗ୍ରନ୍ଥି ଅଧିକରୁ ଅଧିକ TSH କ୍ଷରଣ କରି ଥାଇରଏଡ଼ ଗ୍ରନ୍ଥିକୁ ସକ୍ରିୟ କରିବାକୁ ଚେଷ୍ଟା କରିଥାଏ ସେହିପରି ଅଧିକ ହର୍ମୋନ କ୍ଷରଣ ହେବା ଅବସ୍ଥାକୁ ହାଇପର୍ଥାଇରଏଡ଼ିଜ୍ମ୍ (Hyper-thyroidism) କୁହାଯାଏ ଏହି ଅବସ୍ଥାରେ ଗ୍ରନ୍ଥିରୁ ଅଧିକ ହର୍ମୋନ୍ କ୍ଷରଣ ହୁଏ ଏବଂ ଏହାକୁ କମ୍ କରିବାପାଇଁ ପିଟ୍ୟୁଟାରୀ ଗ୍ରନ୍ଥିରୁ ଅଳ୍ପ TSH କ୍ଷରଣ ହୋଇଥାଏ
ଥାଇରଏଡ଼୍ ସମସ୍ୟାର କାରଣ କଣ ?
ଥାଇରଏଡ଼ ଗ୍ରନ୍ଥିର କାର୍ଯ୍ୟପାଇଁ ଆୟୋଡ଼ିନ୍ର ଆବଶ୍ୟକତା ରହିଛି ଆୟୋଡ଼ିନ ଅଭାବରେ ଥାଇରଏଡ଼ ହର୍ମୋନ ସୃଷ୍ଟି ପ୍ରକ୍ରିୟାରେ ବାଧା ହୋଇଥାଏ, ତେଣୁ ଗ୍ରନ୍ଥିର ସାଧାରଣ କାର୍ଯ୍ୟକ୍ଷମତା ବାଧାପ୍ରାପ୍ତ ହୁଏ ଏହା ଫଳରେ ହର୍ମୋନର ପରିମାଣ କମ ହୋଇଯାଏ ସେଇଥିପାଇଁ ବର୍ତ୍ତମାନ ଆୟୋଡ଼ିନ୍ଯୁକ୍ତ ଲବଣର ବହୁଳ ବ୍ୟବହାର ହେଉଛି ବର୍ତ୍ତମାନ ସମୟରେ ଥାଇରଏଡ଼ ସମସ୍ୟାର କାରଣ ଆୟୋଡ଼ିନ ହିଁ ବୋଲି କୁହାଯାଇନପାରେ
ବିଭିନ୍ନ ରୋଗରୁ ରକ୍ଷାପାଇବା ପାଇଁ ଆମ ଶରୀରରେ ରୋଗ ନିରୋଧକ କ୍ରିୟା ଥାଏ ଏହା ଧବଳ ରକ୍ତ କଣିକା ବା ଲିମ୍ଫୋସାଇଟ୍ ମାନଙ୍କ ଦ୍ବାରା ସମ୍ପାଦିତ ହୋଇଥାଏ ଶରୀରରେ କୌଣସି ରୋଗ ହେଲେ ଏହି ରକ୍ତକଣିକାମାନେ ଆଣ୍ଟିବଡ଼ି ବା ରୋଗ ନିରୋଧକ ଶକ୍ତି ଉତ୍ପାଦନ କରି ଜୀବାଣୁ, ଭୂତାଣୁ ଆଦିକୁ ନଷ୍ଟ କରିଦିଅନ୍ତି ବେଳେ ବେଳେ ଏହି ଆଣ୍ଟିବଡ଼ି ଆପେ ଆପେ ତିଆରି ହୋଇ ଆମ ଶରୀରର କିଛି ଅଂଶକୁ ନଷ୍ଟ କରିଦିଏ ସେଇ ସବୁ ଅଂଗମଧ୍ୟରେ ଥାଇରଏଡ୍, ପାନ୍କ୍ରିଆଜ୍ (ଅଗ୍ନାଶୟ), ଗଣ୍ଠି, କେଶମୂଳ ଆଦି ଅନ୍ତର୍ଭୂକ୍ତ ଏହାଦ୍ବାରା ଥାଇରଏଡ଼ ସମସ୍ୟା, ମଧୁମେହ, ଗଣ୍ଠିବଥା, ବାଳ ଝଡ଼ିବା ଆଦି ସମସ୍ୟା ଦେଖାଦେଇଥାଏ
ଶିଶୁମାନଙ୍କ ପକ୍ଷରେ କେତେକଙ୍କ ଥାଇରଏଡ଼ ଗ୍ରନ୍ଥିର ଅନୁପସ୍ଥିତି ବା ସଠିକ ଭାବରେ କାମ ନ କରିବା ସ୍ଥିତିରେ ଆଜନ୍ମ ଥାଇରଏଡ଼ ଅଭାବ / କନ୍ଜେନାଇଟାଲ୍ ହାଇପୋଥାଇରଏଡ଼ିଜମ୍ (Congenital Hypothyroidism) ସମସ୍ୟା ଦେଖାଦେଇଥାଏ ଥାଇରଏଡ଼ ହର୍ମୋନ ବାଲ୍ୟାବସ୍ଥାରେ ଶାରୀରିକ, ମାନସିକ ଓ ଯୌନାଙ୍ଗ ଅଭିବୃଦ୍ଧିର ସହାୟକ ହୋଇଥାଏ ଏହି ସମସ୍ୟା ଦେଖାଦେଲେ, ତୁରନ୍ତ ଏହାର ଚିକିତ୍ସା ଆବଶ୍ୟକ କେତେକ ବ୍ୟକ୍ତିଙ୍କ ଥାଇରଏଡ଼ ଗ୍ରନ୍ଥି ଫୁଲିଥାଏ (ଗଳଗଣ୍ଡ ରୋଗ / Goiter) କିମ୍ବା କ୍ୟାନସର୍ ରୋଗ ହେବାର ଦେଖାଯାଇଥାଏ ଭାରତରେ ୧୫-୨୦ ପ୍ରତିଶତ ଜନସାଧାରଣ ଥାଇରଏଡ଼ ସମସ୍ୟା ଦ୍ବାରା ଆକ୍ରାନ୍ତ ସାଧାରଣତଃ ସ୍ତ୍ରୀମାନଙ୍କ କ୍ଷେତ୍ରରେ ଏହି ସମସ୍ୟା ଆହୁରି ଅଧିକ ବେଳେ ବେଳେ ଏହି ରୋଗ ପ୍ରଥମ କରି ଗର୍ଭବତୀ ମହିଳାଙ୍କ ଦେହରେ ଦେଖାଯାଏ, ଛୁଆ ଜନ୍ମ ହେବାପରେ ମଧ୍ୟ ମହିଳାମାନଙ୍କରେ ଥାଇରଏଡ଼ ସମସ୍ୟାରେ ଆକ୍ରାନ୍ତ ହେବାର ଦେଖାଯାଏ
ଥାଇରଏଡ଼ ହର୍ମୋନର ଉପକାରିତା :
୧. ଏହା ଶରୀରର ପ୍ରତ୍ୟେକ ଅଙ୍ଗକୁ ସକ୍ରିୟ ରଖିବାରେ ସହାୟକ ହୋଇଥାଏ
୨. ଶରୀରର ପ୍ରତ୍ୟେକ ଅଙ୍ଗକୁ ଶକ୍ତି ପ୍ରଦାନ କରିଥାଏ
୩. କେନ୍ଦ୍ରୀୟ ସ୍ନାୟୁ ପ୍ରକ୍ରିୟା (Central Nervous System) କୁ ସକ୍ରିୟ ରଖେ
୪. ଶିଶୁମାନଙ୍କ ମସ୍ତିଷ୍କ ଓ ଅଙ୍ଗପ୍ରତ୍ୟଙ୍ଗ ଅଭିବୃଦ୍ଧିରେ ସାହାଯ୍ୟ କରେ
୫. ଶରୀରର ପ୍ରତ୍ୟେକ ଅଙ୍ଗପ୍ରତ୍ୟଙ୍ଗ ଏବଂ ହୃଦୟ, ରକ୍ତ ଶିରାପ୍ରଶିରା, ହାଡ଼, ରକ୍ତ ଉତ୍ପାଦନକାରୀ ଅସ୍ଥିମଜ୍ଜା (Bone marrow), ଗର୍ଭଧାରଣ ପ୍ରକ୍ରିୟା, ଉଦର ଓ ଅନ୍ତନଳୀ ପ୍ରକ୍ରିୟାକୁ ପ୍ରେରିତ କରିଥାଏ
ହାଇପୋଥାଇରଏଡ଼ିଜ୍ମର ଲକ୍ଷଣ କଣ ?
୧. ଆଳସ୍ୟ, ଶକ୍ତିହୀନତା ଓ ନିର୍ବୋଧତା
୨. ହାତ, ଗୋଡ଼ ଓ ମୁଖଭାଗ ଫୁଲିବା
୩. ଅତ୍ୟଧିକ ନିଦ ଲାଗିବା, କ୍ଲାନ୍ତି ଅନୁଭବ କରିବା
୪. କମ୍ ଖାଇଲେ ବି ଓଜନ ବୃଦ୍ଧି ହେବା
୫. କୋଷ୍ଠକାଠିନ୍ୟ ହେବା
୬. ଚର୍ମ ଶୁଖିବା, ଝାଳ କମ୍ ହେବା, ବାଳ ଛିଡ଼ିବା
୭. ଥଣ୍ଡା ସହ୍ୟ ନ କରିବା
୮. ସ୍ମରଣ ଶକ୍ତି କ୍ଷୀଣ ହେବା, ସ୍ଫୁର୍ତ୍ତିହୀନତା
୯. ନିରାଶକ୍ତି ଅନୁଭବ କରିବା
୧୦. ଶରୀର ପୀଡ଼ା ଓ କର୍କଷ ସ୍ବର
କ. ବୟସ୍କମାନେ : ସ୍ମରଣ ଶକ୍ତି ହରାଇବା, ଚିନ୍ତନ ଶକ୍ତିର ଅଭାବ, ଏସବୁ ସୀମାଠାରୁ ଅଧିକ ହେଲେ କୋମାସ୍ତରରେ ମଣିଷ ଉପସ୍ଥିତ ହୋଇଥାଏ
ଖ. ୫ ବର୍ଷରୁ କମ ଶିଶୁମାନଙ୍କ ପକ୍ଷେ : ଅଳସୁଆ, ମାନ୍ଦାଳିଆ, ବିକୃତରୂପ, ମାନସିକ ଓ ଶାରୀରିକ ଅଭିବୃଦ୍ଧିର ଅବକ୍ଷୟ, କୋଷ୍ଠକାଠିନ୍ୟ, କର୍କଷ ସ୍ବର, କେଶକ୍ଷୟ, ଶୁଷ୍କଚର୍ମ, ଜୀଭ ଓ ନାଭିର ଅଭିବୃଦ୍ଧି
ଗ. ବଡ଼ ପିଲାମାନଙ୍କ ପକ୍ଷେ : ଶରୀରର ଅଙ୍ଗପ୍ରତ୍ୟଙ୍ଗ ଅଭିବୃଦ୍ଧି ନହେବା, ସ୍କୁଲ ପଢ଼ାରେ ନିଷ୍କ୍ରିୟତା, ଝିଅମାନଙ୍କର ଯୌନବିକାଶରେ ବିଳମ୍ବ, ଋତୁସ୍ରାବରେ ବିଳମ୍ବ, କିମ୍ବା ଅତ୍ୟଧିକ ସ୍ରାବ ଦେଖାଦେବା
ଘ. ମହିଳାମାନଙ୍କ ପକ୍ଷେ : ଅତ୍ୟଧିକ ଋତୁସ୍ରାବ, ଅନିୟମିତ ଋତୁସ୍ରାବ, ଗର୍ଭଧାରଣ ଶକ୍ତିହୀନତା
ଚ. ଗର୍ଭବତୀ ମହିଳା : ଅତ୍ୟଧିକ ରକ୍ତଚାପ, ଜନ୍ମହେବା ଶିଶୁର ସ୍ବାସ୍ଥ୍ୟର ଅବକ୍ଷୟ, ସମୟର ବହୁ ପୂର୍ବରୁ ଶିଶୁ ପ୍ରସବ ହେବା, ସଦ୍ୟଜାତ ଶିଶୁର ଓଜନ କମ ହେବା, ଇତ୍ୟାଦି
ହାଇପର୍ଥାଇରଏଡ଼ିଜ୍ମର ଲକ୍ଷଣ :
୧. ଅଧିକ ଭୋକ ହେଉଥିବା ସତ୍ତ୍ବେ ଓଜନ କ୍ଷୟ
୨. ହାତ ଥରିବା
୩. ଗରମକୁ ସହ୍ୟ କରିନପାରିବା
୪. ଛାତି ଧଡ଼ ଧଡ଼୍ ହେବା
୫. ବେଶୀଥର ଝାଡ଼ା ଯିବା, ଚର୍ମ ଆଦ୍ର ହେବା, ନିଦ୍ରା ନ ହେବା, ଆଖି ଲାଲ ହେବା, ଆଖିରୁ ଲୁହ ବାହାରିବା, ବାରମ୍ବାର ଋତୁସ୍ରାବ, ଗର୍ଭଧାରଣ ଶକ୍ତିର ଅଭାବ
ଥାଇରଏଡ଼ ଅନିୟମିତତାର ଚିକିତ୍ସା :
<କ.> ହାଇପୋଥାଇରଏଡ଼ିଜ୍ମ : ଏଥିପାଇଁ ଅସ୍ତ୍ରୋପଚାରର ଆବଶ୍ୟକତା ନଥାଏ ମୁଁ ସବୁବେଳେ ମୋର ପୀଡ଼ିତ ରୋଗୀମାନଙ୍କୁ କହେ ଏହା ରୋଗ ନୁହେଁ ଶରୀରରେ କିଛି ଅଭାବ ଦେଖାଦେଲେ ହିଁ ଏହିପରି ସମସ୍ୟା ହୁଏ ସେଥିପାଇଁ ଚିକିତ୍ସକ କିଛି ବଟିକା ଦେଇ ଶରୀରରେ ଥିବା ଅଭାବକୁ ଦୂର କରିବାକୁ ଚେଷ୍ଟା କରିଥାନ୍ତି ସେଥିପାଇଁ ଥାଇରଏଡ଼ ବଟିକାକୁ ଔଷଧ ନ କହି ଏକ ବିକଳ୍ପ ବ୍ୟବସ୍ଥା ବୋଲି କୁହାଯାଇପାରେ
ଡାକ୍ତରଙ୍କ ପରାମର୍ଶରେ ପ୍ରତିଦିନ ଖାଲିପେଟରେ ଗୋଟିଏ ବଟିକା ଜଳଖିଆ ବା ଚା / କଫି ପିଇବାର ଏକ ଘଣ୍ଟା ପୂର୍ବରୁ ସେବନ କରିବା ଉଚିତ ପ୍ରାଥମିକ ସ୍ତରରେ ପ୍ରତି ୨-୩ ମାସକୁ ଥରେ ଡାକ୍ତରଙ୍କ ପରାମର୍ଶ ନେବା ଉଚିତ ଥାଇରଏଡ଼ ସ୍ତରରେ ଉନ୍ନତି ଘଟି ସମସ୍ୟା ସମାଧାନ ହୋଇଗଲେ ପ୍ରତି ୬-୯ ମାସରେ ଥରେ ଡାକ୍ତରଙ୍କ ପରାମର୍ଶ ନେବା ଉଚିତ ଏହି ଚିକିତ୍ସାର ମୁଖ୍ୟ ଲକ୍ଷ୍ୟ ହେଲା TSH ସ୍ତରକୁ ସଠିକ ପରିମାଣ (0.5-5.0 miu/ml)ରେ ରଖିବା
<ଖ.> ହାଇପର୍ଥାଇରଏଡ଼ିଜ୍ମ : ଅଧିକାଂଶ ରୋଗୀଙ୍କ ଚିକିତ୍ସା ଔଷଧସେବନ ମାଧ୍ୟମରେ ହୋଇଥାଏ ଏଥିରେ ଡାକ୍ତରଙ୍କ ପରାମର୍ଶ କ୍ରମେ ପ୍ରତ୍ୟେକ ଦୁଇମାସରେ ଥରେ କରିବା ଆବଶ୍ୟକ ଔଷଧଦ୍ବାରା ନିୟନ୍ତ୍ରଣ ନ ହେଲେ କେତେକ ରୋଗୀଙ୍କୁ ରେଡ଼ିଓ ଆୟୋଡ଼ିନ୍ ଥେରାପି କିମ୍ବା ଅସ୍ତ୍ରୋପଚାରର ଆବଶ୍ୟକତା ପଡ଼େ ଏହି ଚିକିତ୍ସା ଦ୍ବାରା T4 ହର୍ମୋନ ସ୍ତରକୁ ସଠିକ ପରିମାଣ(4.5-13 mg/dl)ରେ ରଖିବାକୁ ଚେଷ୍ଟା କରାଯାଏ
ଥାଇରଏଡ଼ ଅବୃଦର ନିରୀକ୍ଷଣ ପାଇଁ ରକ୍ତ ପରୀକ୍ଷା, ଅଲ୍ଟ୍ରାସାଉଣ୍ଡ୍, ଛୁଞ୍ଚି ପରିକ୍ଷା ()ର ଫଳାଫଳକୁ ନେଇ ଡାକ୍ତର ଔଷଧ କିମ୍ବା ଅସ୍ତ୍ରୋପଚାର ମାଧ୍ୟମରେ ଏହାର ଚିକିତ୍ସା କରିଥାନ୍ତି ଥାଇରଏଡ଼ କର୍କଟ ରୋଗ ଅନ୍ୟ କର୍କଟ ରୋଗ ଭଳି ଜୀବନପ୍ରତି ବିପଦଦାୟକ ନୁହେଁ ଅସ୍ତ୍ରୋପଚାର ପରେ ଔଷଧସେବନ, ସୁନିୟନ୍ତ୍ରିତ ଚିକିତ୍ସା, ସମୟାନୁସାରେ ରକ୍ତ ପରୀକ୍ଷା, ଥାଇରଏଡ଼ ସ୍କାନିଂ ଆଦି କରିବା ଦ୍ବାରା ଏହି ରୋଗକୁ ସମ୍ପୂର୍ଣ୍ଣଭାବେ ନିୟନ୍ତ୍ରଣାଧୀନ ରଖିହେବ
ଥାଇରଏଡ଼ ବିଶୃଙ୍ଖଳା ଗର୍ଭବତୀ ମହିଳାଙ୍କ ପକ୍ଷେ : ଗର୍ଭବତୀ ମହିଳାଙ୍କ ପକ୍ଷେ ଏହି ରୋଗ ଅଧିକ ମାତ୍ରାରେ ଦେଖାଯାଏ ୨୦-୨୨ ପ୍ରତିଶତ ଗର୍ଭବତୀ ମହିଳା ଏହି ରୋଗଦ୍ବାରା ଆକ୍ରାନ୍ତ ହୁଅନ୍ତି ମହିଳାମାନଙ୍କ ହର୍ମୋନ ଇଷ୍ଟ୍ରୋଜେନ୍ ଯୋଗୁଁ କ୍ଷରିତ ହେଉଥିବା ଥାଇରଏଡ଼ ବାଇଣ୍ଡିଂ ଗ୍ଲୋବୁଲିନ୍, T3 ଏବଂ T4 ସହ ସଂଯୋଜିତ ହୋଇଥାନ୍ତି ଗର୍ଭବତୀ ମହିଳାଙ୍କ ହର୍ମୋନ ସ୍ତର ସାଧାରଣ ମହିଳାଙ୍କ ଠାରୁ ଦେଢ଼ଗୁଣ ଅଧିକ ଗର୍ଭବତୀ ମହିଳାଙ୍କ ଠାରେ ବେଳେ ବେଳେ ପ୍ରଥମଥର ଥାଇରଏଡ଼ ବିଶୃଙ୍ଖଳା ଦେଖା ଦେଇଥାଏ ଶିଶୁ ଜନ୍ମହେବାର ୩-୬ ମାସ ପରେ ଥାଇରଏଡ଼ ସମସ୍ୟ କିଛି ମହିଳାଙ୍କ କ୍ଷେତ୍ରରେ ଦେଖାଦେଇଥାଏ ପରିବାରର ସଦସ୍ୟ ମାନଙ୍କର ଯଦି ଏହି ସମସ୍ୟା ଥାଏ, ଗର୍ଭବତୀ ସ୍ତ୍ରୀଙ୍କର ହାଇପୋଥାଇରଏଡ଼ିଜ୍ମ ଦେଖାଯିବା ସମ୍ଭାବନା ବଢ଼ିଯାଇଥାଏ
<କ.> ଗର୍ଭବତୀ ମହିଳାଙ୍କ ପକ୍ଷରେ ହାଇପୋଥାଇରଏଡ଼ିଜ୍ମ :
ଯଦି ଏହା ଠିକ୍ ଭାବରେ ନିୟନ୍ତ୍ରଣାଧୀନ ହୋଇନଥାଏ, ଗର୍ଭଧାରଣ ହେବାର ସୁଯୋଗ କମ ହୋଇପାରେ ଏପରିକି ଗର୍ଭଧାରଣ ପରେ ମଧ୍ୟ ଶାରୀରିକ ଓ ମାନସିକ ସ୍ଥିତିର ଦୁର୍ବଳତା ଦେଖାଦିଏ ପ୍ରଥମ ୩ ମାସ ଶିଶୁ ଗର୍ଭାଶୟ ମଧ୍ୟରେ ମା’ର ଥାଇରଏଡ଼ ହର୍ମୋନ ଦ୍ବାରା ଶକ୍ତିପାଇଥାଏ, କାରଣ ଶିଶୁ ଦେହରେ ସେଇ ସମୟରେ ଥାଇରଏଡ଼ ଗ୍ରନ୍ଥି ସୃଷ୍ଟି ହୋଇନଥାଏ ଅତଏବ ହାଇପୋଥାଇରଏଡ଼ିଜ୍ମ ସମସ୍ୟା ଜାଣିବା କ୍ଷଣି ଥାଇରଏଡ଼ ବଟିକା ଖାଇବା ଏକାନ୍ତ ଆବଶ୍ୟକ ଡାକ୍ତରୀ ପରାମର୍ଶପରେ ବଟିକାର ମାତ୍ରା ଓ ପରିମାଣ ବୃଦ୍ଧି କରିବା ଉଚିତ ଶିଶୁର ଥାଇରଏଡ଼ ଗ୍ରନ୍ଥି ୩ ମାସ ପରେ ବିକଶିତ ହେଉଥିଲେ ହେଁ, ମା ଥାଇରଏଡ଼ ବଟିକା ସେବନ କରିବା ଉଚିତ
ପ୍ରଥମ ୫ ମାସ ରୋଗୀ ୪ ସପ୍ତାହକୁ ଥରେ ଏବଂ ପରବର୍ତ୍ତୀ ସମୟରେ ୬-୮ ସପ୍ତାହ ମଧ୍ୟରେ ଥରେ ଡାକ୍ତରଙ୍କ ପରାମର୍ଶ ନେବା ଉଚିତ ଥାଇରଏଡ଼ ହର୍ମୋନର ଆବଶ୍ୟକତା ଗର୍ଭାଶୟରେ ବଢୁଥିବା ଶିଶୁପାଇଁ ଅତ୍ୟନ୍ତ ଜରୂରୀ
ହାଇପୋଥାଇରଏଡ଼ିଜ୍ମ ଯଦି ନିୟନ୍ତ୍ରଣରେ ନଥାଏ, ବଡ଼ ଆକାରର ଶିଶୁ ଜନ୍ମହେବା, ଠିକ୍ ସମୟ ବହୁ ପୂର୍ବରୁ ଶିଶୁ ଜନ୍ମହେବା, କମ୍ ଓଜନ ଥିବା କିମ୍ବା ମୃତଶିଶୁ ଜନ୍ମହେବା ପରି ସମସ୍ୟା ଦେଖାଦେଇପାରେ କେତେକ ମହିଳା ଉଚ୍ଚ ରକ୍ତଚାପର ଶୀକାର ହୋଇଥାନ୍ତି ମୂର୍ଚ୍ଛା, ଅପସ୍ମାର ବା ବୃକକ୍ ସମସ୍ୟା ଓ ଗର୍ଭାଶୟରେ ଅତ୍ୟଧିକ ଆମ୍ନିଓଟିକ୍ ସ୍ରାବ କ୍ଷରଣ ହେବା ଦେଖାଯାଇଥାଏ
ସାଧାରଣ ମହିଳା ଓ ଗର୍ଭବତୀ ମହିଳାଙ୍କ ମଧ୍ୟରେ ଏହାର ଚିକିତ୍ସା ଭିନ୍ନ ହୋଇଥାଏ, TSHର ଲକ୍ଷ୍ୟ ନିମ୍ନରେ ଦିଆଯାଇଛି
ପ୍ରଥମ ତ୍ରୟମାସିକ - ୦.୧ - ୨.୫ miu/ml
ଦ୍ବିତୀୟ ତ୍ରୟମାସିକ - ୦.୨ - ୩.୦ miu/ml
ତୃତୀୟ ତ୍ରୟମାସିକ - ୦.୩ - ୩.୦ miu/ml
<ଖ.> ହାଇପର୍ଥାଇରଏଡ଼ିଜ୍ମ ଗର୍ଭବତୀଙ୍କ ଲକ୍ଷଣ : ଏହା ଗର୍ଭବତୀ ମହିଳାଙ୍କ କ୍ଷେତ୍ରରେ ବହୁତ କମ ଦେଖା ଦେଇଥାଏ ହାଇପର୍ଥାଇରଏଡ଼ିଜ୍ମ ନିୟନ୍ତ୍ରଣାଧୀନ ନ ହେଲେ ଶିଶୁ ଗଳଗଣ୍ଡ ରୋଗ, ଅତ୍ୟଧିକ ଅସ୍ଥିବୃଦ୍ଧି ଏବଂ ଶାରୀରିକ ଅଭିବୃଦ୍ଧି ସମସ୍ୟା ଦେଖାଦିଏ ଫଳସ୍ବରୂପ ହୃଦୟ ଉପରେ ଚାପ ସୃଷ୍ଟି ହୋଇ ହୃଦୟ ସ୍ପନ୍ଦନ ବୃଦ୍ଧି ହୋଇଥାଏ ହୃଦଯନ୍ତ୍ର କ୍ରିୟା ବନ୍ଦ ହେବାର କାରଣ ବି ହୋଇପାରେ ନବଜାତ ଶିଶୁମାନେ ବି ଏଥିରେ ଆକ୍ରାନ୍ତ ହୋଇପାରନ୍ତି ଏହି ରୋଗର ସମସ୍ୟା ଥିବା ମହିଳା ଗର୍ଭବତୀ ହୋଇଥିଲେ, ଡାକ୍ତରଙ୍କ ପରାମର୍ଶ ତତ୍କାଳୀନ ନେଇ ଔଷଧର ମାତ୍ରା ପରିବର୍ତ୍ତନ କରିବା ପ୍ରଥମ ତିନିମାସ ମଧ୍ୟରେ ବିଶେଷତଃ ଆବଶ୍ୟକ ରେଡ଼ିଓ ଆୟୋଡ଼ିନ୍ ଥେରାପି ଗର୍ଭବତୀ ମହିଳାଙ୍କ ପାଇଁ ନିରାପଦ ନୁହେଁ ଅସ୍ତ୍ରୋପଚାର ଆବଶ୍ୟକସ୍ଥଳେ ଗର୍ଭଧାରଣର ତିନିମାସ ପରେ କରାଯାଇଥାଏ
ପ୍ରଥମ ତ୍ରୟ ମାସିକରେ ଅତ୍ୟଧିକ ବାନ୍ତିରେ ଆକ୍ରାନ୍ତ ମହିଳା, ପ୍ଲାସେଣ୍ଟାର କିଛିଟା ଟ୍ୟୁମର ମିଳିଲେ ମଧ୍ୟ, ଏଭଳି ଲକ୍ଷଣ ଦେଖାଦେଇଥାଏ ତେଣୁ ଚିକିତ୍ସା, ଡାକ୍ତରୀ ପରାମର୍ଶ ଅନୁସାରେ ନେବା ଉଚିତ
ହାଇପୋଥାଇରଏଡ଼ିଜ୍ମ : ମନଗଢ଼ାକଥା ଓ ସତ୍ୟତା
୧. T3, T4 ଏବଂ TSH ସବୁ ଥାଇରଏଡ଼ ହର୍ମୋନ୍ !
ଉତ୍ତର : T3 ଏବଂ T4 ଥାଇରଏଡ଼ ଗ୍ରନ୍ଥିରୁ କ୍ଷରଣ ହୁଏ, କିନ୍ତୁ TSH ପିଟ୍ୟୁଟାରୀ ଗ୍ରନ୍ଥିରୁ ହୋଇଥାଏ TSH ପ୍ରଭାବରେ ହିଁ T3 ଏବଂ T4 କ୍ଷରଣ ହୁଏ ତେଣୁ TSH ଥାଇରଏଡ଼ ରୋଗ ନିର୍ଣ୍ଣୟ କରିବାରେ ସହାୟକ ହୋଇଥାଏ ଏହା T3 ଏବଂ T4 ଠାରୁ ଅଧିକ ବ୍ୟବହାର ଯୋଗ୍ୟ
୨. ସମସ୍ତ ହାଇପୋଥାଇରଡ଼ିଜ୍ମ ରୋଗୀଙ୍କ ଠାରେ ଲକ୍ଷଣ ଦେଖାଯାଏ ନାହିଁ !
ଉତ୍ତର : ମୁହଁ ଫୁଲିବା, ଦେହ ଫୁଲିବା, ଆଳସ୍ୟ ଲାଗିବା, ନିର୍ବୋଧତା, ଦୁର୍ବଳ ଲାଗିବା, ମାଂସପେଶୀରେ ଯନ୍ତ୍ରଣା, ଚର୍ମ ଶୁଖିଯିବା, କେଶ ଝଡ଼ିବା, ଓଜନ ବଢ଼ିବା, ଋତୁସ୍ରାବରେ ଅନିୟମିତତା ଦେଖାଦେବା ଆଦି ଲକ୍ଷଣ ହାଇପୋଥାଇରଏଡ଼ିଜ୍ମ ରୋଗରେ ଦେଖାଯାଇଥାଏ (ଯେତେବେଳେ TSH ସ୍ତର ୧୫ miu/mlରୁ ଅଧିକ ଥାଏ)
୩. ହାଇପୋଥାଇରଏଡ଼ିଜ୍ମ ଯୋଗୁଁ ଲଗାତାର ଓଜନ ବୃଦ୍ଧି ହୁଏ
ଉତ୍ତର : ମଧ୍ୟମ ଠାରୁ ଅଧିକ ହାଇପୋଥାଇରଏଡ଼ିଜ୍ମ (TSH ହର୍ମୋନ୍ ସ୍ତର ୨୫mu/l ରୁ ଅଧିକ) ରେ ଓଜନ ୨-୪ କିଗ୍ରା ହିଁ ବଢ଼ିଥାଏ ଏହି ସମୟରେ ଥାଇରକ୍ସିନ ବଟିକା ବ୍ୟବହାର ଦ୍ବାରା TSH ସ୍ତର ସ୍ବାଭାବିକ ସ୍ତରକୁ ଆସିବାପରେ ହାଇପୋଥାଇରଏଡ଼ିଜ୍ମରେ ଆଉ ଓଜନ ବଢ଼ିନଥାଏ
୪. ହାଇପୋଥାଇରଏଡ଼ିଜ୍ମ ଆକ୍ରାନ୍ତ ଗର୍ଭବତୀ ହାଇପୋଥାଇରଏଡ଼ିଜ୍ମ ଶିଶୁକୁ ଜନ୍ମ ଦିଅନ୍ତି
ଉତ୍ତର : ସାଧାରଣତଃ ଏପରି ହୋଇନଥାଏ ଗୁଣସୂତ୍ର (Chromosome)ରେ ଜିନ ତୃଟି ହେତୁ ଏହିପରି ସମସ୍ୟା ଦେଖାଯାଇପାରେ
୫. ଯଦି ଥରେ ତୁମେ ଥାଇରଏଡ଼ ଦ୍ବାରା ଆକ୍ରାନ୍ତ ହୁଅ, ଜୀବନସାରା ଏହି ରୋଗ ରହେ
ଉତ୍ତର : ଏହା ସତ୍ୟ, କିନ୍ତୁ ସବୁବେଳେ ନୁହେଁ ଅଳ୍ପମାତ୍ରାରେ ଥିବା ହାଇପୋଥାଇରଏଡ଼ିଜ୍ମ, କ୍ଲୀଷ୍ଟ ଅସୁସ୍ଥତା ଏବଂ ଔଷଧ ଯୋଗୁଁ ଆସିଥିବା ହାଇପୋଥାଇରଏଡ଼ିଜ୍ମରେ ସମସ୍ୟାରୁ ସମ୍ପୁର୍ଣ୍ଣ ନିରୋଗ ହେବା ସମ୍ଭାବନା ଥାଏ ଡାକ୍ତରୀ ପରାମର୍ଶ ଓ ନିୟମିତ ଔଷଧ ସେବନ ଦ୍ବାରା ଏହା ସମ୍ଭବ
୬. ଥାଇରକ୍ସିନ୍ ଔଷଧ ଦିନର ଯେ କୌଣସି ସମୟରେ ସେବନ କରିହେବ
ଉତ୍ତର : ଥାଇରକ୍ସିନ ଔଷଧ କେବଳ ପ୍ରାତଃକାଳରେ ଖାଲିପେଟରେ କିମ୍ବା ଜଳଖିଆ / ଚା / କଫି ପିଇବାର ଅନ୍ତତଃ ଏକ ଘଣ୍ଟା ପୂର୍ବରୁ ସେବନ କରିବା ବିଧେୟ କେତେକ ବିଶେଷଜ୍ଞଙ୍କ ମତରେ ଏହା ରାତ୍ର ଭୋଜନର ଚାରିଘଣ୍ଟାପରେ ସେବନ କଲେ ଉତ୍ତମ ପ୍ରଭାବ ଦେଇଥାଏ
୭. ଥାଇରକ୍ସିନର ଦୁଷ୍ପ୍ରଭାବ ବହୁତ ଅଧିକ
ଉତ୍ତର : ଠିକ୍ ମାତ୍ରାରେ ଏବଂ ଡାକ୍ତରୀ ପରାମର୍ଶରେ ବ୍ୟବହାର କଲେ ଏହା ସମ୍ପୂର୍ଣ୍ଣଭାବେ ନିରାପଦ ଏବଂ ପ୍ରତିକ୍ରିୟାହୀନ ହୋଇଥାଏ ବିନା ପରାମର୍ଶରେ କିମ୍ବା ଅତ୍ୟଧିକ ମାତ୍ରାରେ ବ୍ୟବହାର କଲେ, ହୃଦସ୍ପନ୍ଦନ ବୃଦ୍ଧି, ଦେହରୁ ଅତ୍ୟଧିକ ଝାଳ ବହିବା, ଓଜନ କ୍ଷୟ ହେବା, ଚୁଟି ଝଡ଼ିବା, ଚିଡ଼ିଚିଡ଼ା ସ୍ବଭାବ ଦେଖାଯାଏ ଶିଶୁମାନଙ୍କ କ୍ଷେତ୍ରରେ ଏହା ମସ୍ତିଷ୍କରେ ଚାପ ସୃଷ୍ଟି କରିଥାଏ
୮. ଥାଇରଏଡ଼ ଔଷଧ ସେବନ ଗର୍ଭବତୀଙ୍କ ପାଇଁ ହାନୀକାରକ
ଉତ୍ତର : ଆଦୌ ନୁହେଁ ଏହା ସମ୍ପୂର୍ଣ୍ଣଭାବେ ନିରାପଦ ଏହା ଗର୍ଭବତୀ ମହିଳା ଏବଂ ଶିଶୁର କୌଣସି କ୍ଷତି ଘଟାଇ ନଥାଏ ହାଇପୋଥାଇରଏଡ଼ିଜ୍ମ ସମସ୍ୟା ଥିବା ଗର୍ଭବତୀ ମହିଳା ଔଷଧ ସେବନ କରିବା ଦ୍ବାରା ଉଭୟ ମା ଓ ଶିଶୁର ସ୍ବାସ୍ଥ୍ୟ ଉତ୍ତମ ରହେ ଗର୍ଭ ସମସ୍ୟା, ଗର୍ଭପାତ ହେବାର ସମ୍ଭାବନା ମଧ୍ୟ କମ ହୋଇଥାଏ ଏହାଦ୍ବାରା ଗର୍ଭସ୍ଥ ଶିଶୁର ମସ୍ତିଷ୍କର ଅଭିବୃଦ୍ଧି ହୋଇଥାଏ
୯. ଥାଇରଏଡ଼ ଅସ୍ତ୍ରୋପଚାର ଦ୍ବାରା ହାଇପୋଥାଇରଏଡ଼ିଜ୍ମ ସମସ୍ୟା ଦୂର ହୋଇଥାଏ
ଉତ୍ତର : ହାଇପୋଥାଇରଏଡ଼ିଜ୍ମ ନିମନ୍ତେ ଅସ୍ତ୍ରୋପଚାରର ଆବଶ୍ୟକତା ନଥାଏ
୧୦. ଶିଶୁମାନଙ୍କର ହାଇପୋଥାଇରଏଡ଼ିଜ୍ମ ହେତୁ ସେମାନେ ବୟସ୍କ ହେବାବେଳକୁ କଷ୍ଟ ଭୋଗନ୍ତି
ଉତ୍ତର : ଥାଇରକ୍ସିନ ଔଷଧର ସଠିକ ବ୍ୟବହାର ଦ୍ବାରା ଶିଶୁମାନଙ୍କର ସଠିକ ଅଭିବୃଦ୍ଧି ହୋଇଥାଏ, ଏବଂ ସେମାନେ ବୟସ୍କ ମାନଙ୍କ ପରି ସ୍ବଚ୍ଛନ୍ଦରେ ଜୀବନଯାପନ କରିପାରନ୍ତି
୧୧. ଥାଇରଏଡ଼ ହେବାପାଇଁ ବନ୍ଧାକୋବି ଓ ଫୁଲକୋବି ଆଦି ପରିବା ଦାୟୀ
ଉତ୍ତର : ଆୟୋଡ଼ିନ ଅଭାବ ଜନିତ ପରିସ୍ଥିତିରେ ଏହି ପରିବା ହର୍ମୋନ୍ ସୃଷ୍ଟିରେ ବାଧା ଘଟାଇଥାଏ କିନ୍ତୁ ବର୍ତ୍ତମାନ ଆୟୋଡିନ୍ ଯୁକ୍ତ ଲବଣ ବହୁଳ ବ୍ୟବହାର ହେତୁ ଏହି ସବୁ ପନିପରିବା ବ୍ୟବହାର ଉପରେ କୌଣସି ବାଧା / ନିଷେଧ କରାଯାଏ ନାହିଁ
Download The PDF File Here
ଅନ୍ତଃସ୍ରାବୀ ଗ୍ରନ୍ଥି ଏବଂ ମଧୁମେହ ବିଶେଷଜ୍ଞ, ଥାଇରଏଡ଼ ବିଶେଷଜ୍ଞ
ଡାଇବେଟିସ୍ ଏଣ୍ଡ ଏଣ୍ଡୋକେର୍ କ୍ଲିନିକ୍, ବ୍ରହ୍ମପୁର
ଇମେଲ୍ : diab.endocare@gmail.com
ମୋବଇଲ୍ : 07749804401 / 09040475800
କନ୍ୟା ଏତେ ଅଲୋଡ଼ା କାହିଁକି ?
ଏଠାରେ ପଢ଼ନ୍ତୁ !
ଆମେ ସାବିତ୍ରୀ ବ୍ରତ ପାଳନ କରୁ କାହିଁକି ?
ଏଠାରେ ପଢ଼ନ୍ତୁ !