ହିନ୍ଦୁ ଧର୍ମ ଅନୁସାରେ ଆମେ ସମୟକୁ ଚାରିଟି ଯୁଗରେ ବିଭକ୍ତ କରିଛୁ ତ୍ରେତୟା, ଦ୍ବାପର, ସତ୍ୟ ଓ କଳି ଯୁଗ ପ୍ରତ୍ୟେକ ଯୁଗରେ ଭଗବାନମାନେ ବିଭିନ୍ନ ଅବତାର ନେଇ ଜନ୍ମଗ୍ରହଣ କରି ଧରାପୃଷ୍ଠକୁ ସମୃଦ୍ଧ କରିଛନ୍ତି ଏବଂ ଲୋକଙ୍କୁ ସତ୍ୟ ଓ ନ୍ୟାୟର ପଥ ଦେଖାଇଛନ୍ତି ଭଗବାନ ରାମ, ପର୍ଶୁରାମ, କୃଷ୍ଣ ଇତ୍ୟାଦି ରୂପରେ ସେ ପ୍ରକଟ ହୋଇଛନ୍ତି ହେଲେ କଳିଯୁଗରେ ସେ କେଉଁ ଭାବରେ ଅବତୀର୍ଣ୍ଣ ହେବେ ସେ ବିଷୟରେ କୌଣସି ସୂଚନା ଆମ ପାଖରେ ନାହିଁ କିଛି ଧର୍ମଗ୍ରନ୍ଥକୁ ଆଧାର କରି କୁହାଯାଉଛି ଯେ କଳି ଯୁଗରେ କଳକୀ ଅବତାର ନେଇ ପ୍ରଭୂ ଆସିବେ ସେ ଘୋଡ଼ା ଚଢ଼ି ହାତରେ ବାରହାତ ଖଣ୍ଡା ଧରି ସଂସାରରୁ ପାପକୁ ଦୂର କରିବା ସହ ସତ୍ୟକୁ ସ୍ଥାପନ କରିବେ ଅବଶ୍ୟ ଏହି ସବୁ କଥା ଉପରେ ଆମେ ଶତପ୍ରତିଶତ ବିଶ୍ବାସ କରି ପାରୁନୁ କାରଣ ବାରହାତ ଖଣ୍ଡା ମାନେ ଅନ୍ୟୁନ ଅଠରଫୁଟ ଲମ୍ବା ଖଣ୍ଡା ଧରି କୌଣସି ବ୍ୟକ୍ତି ସର୍ବସମ୍ମୁଖରେ ଉପସ୍ଥିତ ହେବ ଆଉ ପୋଲିସ୍ ଅଧିକାରୀମାନେ ତାଙ୍କୁ ଛାଡ଼ିଦେବେ ? ଅବଶ୍ୟ କଥାଟାର ସାହିତ୍ୟିକ ମହତ୍ତ୍ବ ଅନ୍ୟକିଛି ହୋଇପାରେ କାରଣ ଅନେକ ସାହିତ୍ୟରେ ଆମେ ଶବ୍ଦକୁ ନେଇ ଖେଳ ଖେଳୁଥିବା କଥା ଜାଣୁ ଉପେନ୍ଦ୍ର ଭଞ୍ଜ ହୁଅନ୍ତୁ ବା କବିସୂର୍ଯ୍ୟ ବଳଦେବ ରଥ, ସମସ୍ତେ ଶବ୍ଦକୁ ନେଇ ବିଭିନ୍ନ ପ୍ରକାର ପରୀକ୍ଷଣ କରିଥିଲେ, ତା ହେଲେ ଏ ବି ସେମିତି କିଛି ହୋଇଥାଇପାରେ
ଓଡ଼ିଶାବାସୀ ଅଧିକାଂଶ ମାଳିକା ନାମକ ପୁସ୍ତକ ଉପରେ ନିର୍ଭର କରିଥାନ୍ତି ଏବଂ ମାଳିକା ହିସାବରେ ସେହି ଭଦ୍ରବ୍ୟକ୍ତି ବା ଅବତାର ଓଡ଼ିଶାରେ ହିଁ ଜନ୍ମନେବେ ହେଲେ କିଛି ବ୍ୟକ୍ତି କଳକୀ ଅବତାର ଆନ୍ଧ୍ରପ୍ରଦେଶରେ ଜନ୍ମନେଇ ଥିବା କଥା କହିଛନ୍ତି ଏବଂ ତାଙ୍କ ନାମରେ ଅନେକ ମନ୍ଦିର ବି ନିର୍ମାଣ କରାଇଛନ୍ତି ବ୍ରହ୍ମପୁରରେ ବି ସେଇପରି ଏକ ମନ୍ଦିର ରହିଥିବା କଥା ଆମେ ଶୁଣିଛୁ ସେ ଯା ହେଉ ଅବତାର କେବେ ଆସିବେ, ସେ ଆସିଲେ କଣ କରିବେ ବା ନ କରିବେ ସେ ସବୁ ଆମେ ବୁଝିବା ଅବସ୍ଥାରେ ନାହୁଁ କିନ୍ତୁ ହଁ ଏହି ଯୁଗରେ ଭଗବାନଙ୍କ ଅବତାର କହି ନିଜକୁ ନିଜେ ଭଗବାନ ବୋଲାଉଥିବା ଅନେକ ବ୍ୟକ୍ତିଙ୍କ ସଂସ୍ପର୍ଶରେ ଆମେ ଆସିଲୁଣି ସକାଳୁ ସକାଳୁ ଟିଭି ପରଦାରେ ଶୁଭ୍ରବସ୍ତ୍ର ପରିହିତ, କିଛି ବ୍ୟକ୍ତି ବେକରେ ସୁସଜ୍ଜିତ ଫୁଲମାଳ ପକେଇ ଧିର ସ୍ବରରେ ଭଗବାନଙ୍କ ବାଣୀକୁ ପ୍ରଚାର କରିବା ଆମେ ଦେଖିଛୁ ସେମାନଙ୍କ ମଧ୍ୟରୁ କିଛି ଭଗବାନଙ୍କୁ ନିଜର ସବୁକିଛି ବୋଲି କହୁଥିବା ବେଳେ କିଛି ନିଜକୁ ହିଁ ଭଗବାନଙ୍କ ସ୍ବରୂପ ବୋଲି ପ୍ରଚାର କରାଉଛନ୍ତି ସେହିପରି ଜଣେ ବାବା ଆମ ଓଡ଼ିଶାରେ ବର୍ତ୍ତମାନ ନିଜର ପତିଆରା ଜମାଇବାରେ ଲାଗିଛନ୍ତି ଟିଭି ପରଦାରେ ହେଉ ବା ସତସଙ୍ଗରେ ହେଉ ସେ ନିଜକୁ କୃଷ୍ଣଙ୍କ ଅବତାର ବୋଲି କୁହାଉଛନ୍ତି ଅବଶ୍ୟ କୃଷ୍ଣ ତ ନୁହଁ ବରଂ ସେ ବଳରାମଙ୍କ ସ୍ବରୂପ ବୋଲି ଯଦି ନିଜକୁ କହିଥାନ୍ତେ ତା ହେଲେ ଆମେ ଶାରୀରିକ ସାମଞ୍ଜସ୍ୟକୁ ଦେଖି ମାନି ବି ନେଇଥାନ୍ତୁ ହେଲେ ସେଇ ବାବା ଜଣକ କେମିତି ବାବା ହେଲେ ? ସେ କେଉଁଠୁ ଜ୍ଞାନପ୍ରାପ୍ତି କଲେ ? କେଉଁ ବୋଧିବୃକ୍ଷ ତଳେ ବସି ସେ ସାଧନା କଲେ ସେ ବିଷୟରେ ଆମେ ଅଜ୍ଞ
ଓଡ଼ିଶାର ଅନେକ ଅଞ୍ଚଳରେ ମୁଁ ବ୍ୟକ୍ତିଗତ ଭାବରେ ବୁଲି ଆସିଥିବା ବେଳେ ସେଠାରେ ସେହି ବାବାଙ୍କ ପ୍ରବଚନ ଓ ସତସଙ୍ଗ ଆଦିର ସଦୃଶ ତୋରଣ ଓ ପ୍ରଚାରପତ୍ର ଆଦି ଦେଖିଆସିଛି ହେଲେ କିଛି ଦିନ ହେବ ବିଭିନ୍ନ ଖବର କାଗଜରେ ସେହି ବାବାଙ୍କ ବିରୋଧରେ କିଛି ଖବର ଆସୁଛି ଯେଉଁଥିରେ ସତ୍ୟତା ଥାଉ ବା ନଥାଉ କିନ୍ତୁ ସମ୍ବାଦ ପରିବେଷଣ କରୁଥିବା ବ୍ୟକ୍ତି ବା ସଂସ୍ଥା ସମସ୍ତ ସମ୍ଭ୍ରମତାକୁ ଏଡ଼ାଇ ଦେଇ ସମ୍ବାଦ ଦେଉଛନ୍ତି ବିଗତ ଦିନରେ ଏମିତି ଏକ ପାକ୍ଷିକ ପତ୍ରିକାରେ ବାବାଙ୍କ ବିଷୟରେ ପ୍ରକାଶିତ ଖବରକୁ ପଢୁଥିବା ବେଳେ ଶବ୍ଦଗତ ଅଭଦ୍ରାମି ଦେଖିବାକୁ ପାଇଲି କୌଣସି ପତ୍ରିକାପାଇଁ ଏହିପ୍ରକାରର ପ୍ରକାଶନ କଦାପି ଉଚିତ ନୁହେଁ ଅସଭ୍ୟ ଭାଷାରେ କୌଣସି ବ୍ୟକ୍ତିଙ୍କ ବିଷୟରେ ଖବର ପ୍ରକାଶନ କରୁଥିବା ପତ୍ରପତ୍ରିକା ହୁଏତ ନିଜର କୌଣସି ରାଗ ବା ପ୍ରତିଶୋଧପରାୟଣ ହୋଇ ଏ ସବୁ କରୁଥାଇ ପାରନ୍ତି
ଆଜି ପୂର୍ବାହ୍ନରେ ଫେସବୁକରେ ମଧ୍ୟ ଅନୁରୂପ ସମ୍ବାଦ ପତ୍ରର କିଛି ଅଂଶ ଦେଖିଲି, ଯେଉଁଥିରେ ବାବାଙ୍କ ନାମରେ ଅନେକ ଅଗ୍ରହଣୀୟ ତଥ୍ୟ ଉପସ୍ଥାପନ କରାଯାଇଛି ଯଦି ସେ ସତରେ ଏ ସବୁ କାଣ୍ଡରେ ସମ୍ପୃକ୍ତ ଥାଆନ୍ତି ତେବେ ସେ ନିଶ୍ଚୟ ଭାବରେ ଦଣ୍ଡପାଇବାକୁ ଯୋଗ୍ୟ ପର ସ୍ତ୍ରୀ ସହ ସଂଭୋଗ, କୁମାରୀ କନ୍ୟାମାନଙ୍କ ସହ ଦୈହିକ ସମ୍ପର୍କ ଓ ସେମାନଙ୍କୁ ନେଇ ଭୁବନେଶ୍ବରରେ ଦେହ ବ୍ୟାପାର, ଇତ୍ୟାଦି ଖବର ପଢ଼ିବାପରେ ମନକୁ ସ୍ବତଃ ପ୍ରଶ୍ନ ଆସେ, ଜଣେ ବ୍ୟକ୍ତି କଣ ନିଜ ଜୀବଦ୍ଦଶାରେ ଏତେ କୁକର୍ମ କରିପାରେ ? ଯଦି କରିପାରେ ତା ହେଲେ ଏଥିପାଇଁ କଣ କେବଳ ସେହି ବ୍ୟକ୍ତିଙ୍କୁ ହିଁ ଦୋଷୀ ବୋଲି ଧରାଯିବ ? ଯେଉଁ ମହିଳା ବା କନ୍ୟାମାନଙ୍କ ସହ ତାଙ୍କୁ ଯୋଡ଼ି ଖବର ପରିବେଷଣ କରାଯାଉଛି ସେମାନେ ନିଜ ଇଚ୍ଛାରେ ଏ ସବୁ କରୁଥିଲେ ନା ସେମାନଙ୍କୁ ଧମକ ଦେଇ ଏ ସବୁ କରାଯାଉଥିଲା ଜଣେ ମହିଳା ବାବାଙ୍କ ଆଶ୍ରମରେ ରହି ବାବାଙ୍କ ସହ ସମ୍ପର୍କ ରଖିଥିଲେ ବୋଲି କୁହାଯାଉଛି, ତା ହେଲେ ସେ ମହିଳା ଜଣକ ଆଶ୍ରମରୁ ତୁରନ୍ତ ବାହାରକୁ ଯାଇପାରିଥାନ୍ତେ ସେ ଗଲେ ନାହିଁ କାହିଁକି ? ଯେଉଁ କନ୍ୟାମାନଙ୍କୁ ଦୂରରୁ ଭୁବନେଶ୍ବର ଅଣାଯାଇ ଦେହବ୍ୟାପାରରେ ବ୍ୟବହାର କରାଯାଉଛି, ସେମାନେ କାହିଁକି କେବେ ବି ଆପତ୍ତି କରିନାହାନ୍ତି ସେମାନେ ବାବାଙ୍କ ପାଖକୁ ଆସିବା ଉଦ୍ଦେଶ୍ୟ କଣ ?
ନିଜକୁ ପଣ୍ୟଦ୍ରବ୍ୟ ଭଳି ଉପସ୍ଥାପନ କଲେ ଯେ କୌଣସି ବ୍ୟକ୍ତି ତୁମକୁ ନିମ୍ନ ଦୃଷ୍ଟିରେ ହିଁ ଦେଖିବ ନିଜର ମାନ ଇଜ୍ଜତ ଓ ସମ୍ମାନକୁ ନିଜେ ସମ୍ଭାଳି ରଖିବା ଭଳି ସାହାସ ଯଦି ନାହିଁ, ତେବେ ଯେ କୌଣସି ବ୍ୟକ୍ତି ତୁମକୁ ନିନ୍ଦିତ ବା ଅପମାନିତ କରିଦେଇ ପାରେ ନୈତିକତା ଯଦି ତୁମେ ହରେଇବାକୁ ଚାହୁଁଥାଅ, ତେବେ କେହି ବି ତୁମକୁ ଦୋଷୀ ବୋଲି ଆଙ୍ଗୁଠି ଦେଖାଇପାରିବ ଭଗବାନ ବୋଲି ବୋଲାଇ ଅନ୍ୟର ଆସ୍ଥାଭାଜନ ହେବାପରେ ଏ ସବୁ କାମ କରିବା ଆଦୌ ସ୍ପୃହଣୀୟ ନୁହେଁ, କିନ୍ତୁ ଯେଉଁମାନେ ଏହିପରି ବାବାଙ୍କୁ ନିଜର ସବୁକିଛି ବୋଲି ଭାବିଦେଇ ନିଜର ସତ୍ତାକୁ ହରାଇ ବସୁଛନ୍ତି ସେମାନେ ନିଜ ଅବସ୍ଥା ପାଇଁ ନିଜେ ଦୋଷୀ କାହାକୁ ଦୋଷୀ ବୋଲି କହିବା ପୂର୍ବରୁ ଲୋକମାନେ ନିଜେ ସଚେତନ ହେବା ଉଚିତ ଯେ ଯେଉଁଠି ଦେଶରେ, ବିଶେଷତଃ ଓଡ଼ିଶାର ପୁରପଲ୍ଲୀରେ ଅଗଣିତ ମନ୍ଦିର ଓ ଦେବାଳୟ ଥିବା ସତ୍ତ୍ବେ ଲୋକମାନେ କାହିଁକି ଏମିତି ବାବା ମାନଙ୍କ ମିଥ୍ୟା ପ୍ରରୋଚନାରେ ଆସୁଛନ୍ତି ଓଡ଼ିଆରେ କଥାଟିଏ ଅଛି;
ବୁଝି ବିଚାରି କର୍ମକଲେ, ବିପଦ ନ ପଡ଼ଇ ଭଲେ
ଫୁଟ୍ପାଥ ନା ମରଣଯନ୍ତା
ଏଠାରେ ପଢ଼ନ୍ତୁ !
କୃଷକ ଆତ୍ମହତ୍ୟା : ଦାୟୀ କିଏ ?
ଏଠାରେ ପଢ଼ନ୍ତୁ !