ବର୍ତ୍ତମାନ ଦେଶରେ ସବୁଠାରୁ ବଡ଼ ଖବର ହେଉଛି କୃଷକମାନଙ୍କ ଆତ୍ମହତ୍ୟା ଗତକାଲି ଅପରାହ୍ନରେ ଦିଲ୍ଲୀରେ ଆମ୍ ଆଦମୀ ପାର୍ଟିର ଏକ କାର୍ଯ୍ୟକ୍ରମ ସମୟରେ ଜଣେ କୃଷକ ନିଜ ବେକରେ ଦଉଡ଼ି ଦେଇ ଗଛରୁ ଝୁଲି ପଡ଼ିଥିଲେ ପରେ ତାଙ୍କୁ ମୃତ ବୋଲି ଘୋଷଣା କରାଯାଇଥିଲା ଅବଶ୍ୟ ହେଲେ ଏହି ମୃତ୍ୟୁପରେ ଦେଶରେ ରାଜନୈତିକ କାଦୁଆ ଫୋପଡ଼ାଫୋପଡ଼ି ଆରମ୍ଭ ହୋଇଗଲା ଆପ୍ କର୍ମକର୍ତ୍ତା ଓ ସର୍ବୋପରି ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ସେହି ସଭାରେ ଉପସ୍ଥିତ ଥିବା ସତ୍ତ୍ବେ ଏହିପରି ଅଘଟଣ ଘଟିଲା କାହିଁକି ? କୃଷକ ଜଣକ ଆତ୍ମହତ୍ୟା କରିବା ଜଣାପଡ଼ିବାପରେ କାର୍ଯ୍ୟକ୍ରମକୁ ରଦ୍ଦ କରାନଯାଇ ଚାଲୁ ରଖାଗଲା କାହିଁକି ? କୃଷକଜଣକ ଗଛ ଉପରେ ଚଢ଼ିବା ବେଳେ ହାତରେ ଝାଡ଼ୁଧରିଥିଲା, ଯାହା ଆମ୍ ଆଦମୀ ପାର୍ଟିର ନିର୍ବାଚନୀ ଚିହ୍ନ, ଏହାର ଅର୍ଥ କଣ ଆମ୍ ଆଦମୀ ପାର୍ଟି ଜାଣିଶୁଣି ଏହି କାର୍ଯ୍ୟକ୍ରମ ଆୟୋଜନ କରିଥିଲେ କି ? ଆତ୍ମହତ୍ୟା ନାଟକ କରୁଥିବା ବେଳେ ଭୂଲବଶତଃ କୃଷକ ଜଣକ ନିଜକୁ ଶ୍ବାସରୁଦ୍ଧ କରିପକାଇଥିଲେ କି ? ଏମିତି ଅନେକ ପ୍ରଶ୍ନ ସର୍ବସମ୍ମୁଖରେ ରହିଛି ଅବଶ୍ୟ ସଭା ଚାଲୁଥିବା ବେଳେ କୃଷକ ଜଣକ ଆତ୍ମହତ୍ୟା ଉଦ୍ୟମ କରିଥିଲା, ମୃତ୍ୟୁ ହୋଇନଥିଲା ଏବଂ ଆମ୍ ଆଦମୀ ପାର୍ଟିର ସଦସ୍ୟମାନେ ତ୍ବରିତ ପଦକ୍ଷେପ ନେଇ କୃଷକଙ୍କୁ ଗଛରୁ ତଳକୁ ଓହ୍ଲାଇଥିଲେ ଏବଂ ତୁରନ୍ତ ତାଙ୍କୁ ହାସପାତାଳକୁ ପଠାଇ ଦିଆଯାଇଥିଲା ତେଣୁ ଏମିତି କ୍ଷେତ୍ରରେ ଚାଲୁଥିବା ସଭାକୁ ବନ୍ଦକରିବାକୁ ହୁଏତ ଆମ୍ ଆଦମୀ ପାର୍ଟିର ନେତୃବୃନ୍ଦ ଉଚିତ ମନେ କରିନଥିବେ ସେମାନେ ଭାବିଥିବେ ଯେ ଉତ୍ୟକ୍ତ ଚାଷୀ ଜଣକ ଆତ୍ମହତ୍ୟା ପାଇଁ ଉଦ୍ୟମ କରିଥିବ ହେଲେ ମୃତ୍ୟୁବରଣ କରିବ ନାହିଁ ଏମିତି ବି ହୋଇପାରେ
ଆତ୍ମହତ୍ୟା ପରେ ପରେ କୃଷକ ପାଖରୁ ସୁଇସାଇଡ୍ ନୋଟ୍ ମିଳିବା ଏବଂ ସେଥିରେ ସେ ଏଥିପାଇଁ ଫସଲ ହାନୀ ଓ ନିଜ ପିତା ଘରୁ ବାହାର କରିଦେଇଥିବା କଥା ଉଲ୍ଲେଖ କରିବା ସବୁ ଏକ ଜଣାଶୁଣା ନାଟକର ସଂଳାପ ପରି ଲାଗୁଥିଲା କିଛି ସମୟପରେ ମୃତବ୍ୟକ୍ତିଙ୍କ ପରିଜନ କହିଥିଲେ ଯେ ସୁଇସାଇଡ୍ ନୋଟରେ ଥିବା ଲେଖା ମୃତ ବ୍ୟକ୍ତିଙ୍କର ନୁହେଁ ସେ ଯା ହେଉ, ଜଣେ ବ୍ୟକ୍ତି ସର୍ବସମ୍ମୁଖରେ ଫାଶୀ ଦେଇ ଆତ୍ମହତ୍ୟା କଲେ ଅଥଚ ତାଙ୍କୁ କେହି ବଞ୍ଚାଇ ପାରିଲେ ନାହିଁ ଏଠାରେ ଉଲ୍ଲେଖ କରିଦେବାକୁ ଉଚିତ ମନେ କରୁଛି ଯେ ସେହି ବ୍ୟକ୍ତି ଜଣକ ଦୁଇଘଣ୍ଟା ଧରି ସେହି ଗଛ ଉପରେ ଚଢ଼ି ବସିଥିଲେ ତେଣୁ ହୁଏତ ସେ ଯେତେବେଳେ ଆତ୍ମହତ୍ୟା କରିବାକୁ ଉଦ୍ୟମ କରିଥିବେ ସେତେବେଳକୁ କେହି ଏହାକୁ ଗମ୍ଭୀରତାର ସହ ନେଇନଥିବେ କାରଣ ଏମିତି କିଛି ହେବ ବୋଲି କେହି କେବେ ପୂର୍ବାନୁମାନ କରିବା ସମ୍ଭବ ନୁହେଁ ପୁଣି, ଯଦି ସେହି ବ୍ୟକ୍ତି ଜଣକ ଆତ୍ମହତ୍ୟା କରିବା ଉଦ୍ଦେଶ୍ୟ ନେଇ ଉପରକୁ ଯାଇଥିଲେ ତା ହେଲେ ସେ ଏହି ବିଷୟରେ କାହାକୁ ନା କାହାକୁ ନିଶ୍ଚୟ କହିଥିବେ ସଭାରେ ଉପସ୍ଥିତ କୌଣସି ବ୍ୟକ୍ତି ଏହି ବିଷୟରେ ଜାଣିଥିବା ସ୍ବାଭାବିକ କେହି ତାଙ୍କୁ ଏଥିରୁ ବିରତ କରାଇଲେ ନାହିଁ କାହିଁକି ? ଆଉ ଯଦି ସେ କାହାକୁ କିଛି ନ ଜଣାଇ ନିଜେ ନିଜେ ଏହିପରି ପଦକ୍ଷେପ ନେଇଥାନ୍ତି ତା ହେଲେ ଏଥିପାଇଁ କୌଣସି ରାଜନୈତିକ ଦଳକୁ ଦୋଷ ଦେବା ଉଚିତ ହେବ କି ?
ଭାରତୀୟ ଜନତା ପାର୍ଟି ଦ୍ବାରା ଆଗତ ଜମି ଅଧିଗ୍ରହଣ ବିଲ ବିପକ୍ଷରେ ଅନେକ କାର୍ଯ୍ୟକ୍ରମ ବିଭିନ୍ନ ରାଜନୈତିକ ଦଳମାନଙ୍କ ଦ୍ବାରା ଆୟୋଜନ ହୋଇ ଆସୁଛି ଏଥି ସହିତ କୃଷକମାନଙ୍କ ଦୁରାବସ୍ଥା ବିଷୟରେ ବି ଅନେକ ଦଳ କାର୍ଯ୍ୟକ୍ରମମାନ ଆୟୋଜନ କରୁଛନ୍ତି ନିଶ୍ଚୟ ଭାବେ କୃଷକର ସମୃଦ୍ଧିରେ ହିଁ ଆମ ଦେଶର ସମୃଦ୍ଧି ସମ୍ଭବ କାରଣ ଆମ ପେଟକୁ ଯାଉଥିବା ଅନ୍ନ ସେମାନେ ହିଁ ତ ଯୋଗାନ୍ତି ସେମାନଙ୍କ ଭଲମନ୍ଦ ବୁଝିବା ସବୁ ସରକାରଙ୍କ ଦାୟିତ୍ବ ବିଗତ କିଛି ବର୍ଷ ହେଲା ଭାରତରେ କୃଷକ ଆତ୍ମହତ୍ୟା ସଂଖ୍ୟା ବୃଦ୍ଧିପାଇବାରେ ଲାଗିଛି ଏହାର ଅନେକ କାରଣ ରହିଛି, କିନ୍ତୁ ପ୍ରାୟ ପ୍ରତ୍ୟେକ କ୍ଷେତ୍ରରେ କୃଷକ ଜଣକ ଆଣିଥିବା ଋଣ ସୁଝିନପାରିବା ହେତୁ ଆତ୍ମହତ୍ୟା କରୁଛି ବୋଲି କୁହାଯାଉଛି ସମସ୍ତ କୃଷକ ସମୃଦ୍ଧ ନୁହନ୍ତି, ଏଠି ଭାଗଚାଷୀ ବି ଅଛନ୍ତି ଆଉ କିଛି ଗରୀବ ଚାଷୀ ବି ଅଛନ୍ତି ଯେଉଁମାନେ କେବଳ ଚାଷବାସ କରି ଜୀବିକାନିର୍ବାହ କରନ୍ତି ପ୍ରତିବର୍ଷ ଚାଷ ହେବା ଋତୁରେ ଏମାନେ ବିଭିନ୍ନ ବ୍ୟାଙ୍କ ତଥା ମହାଜନ ମାନଙ୍କଠାରୁ ଋଣ ବା ଉଧାର ଆଣି ଚାଷ କରିଥାନ୍ତି ହେଲେ ଭାରତରେ ବର୍ଷା ବା ମୌସୁମୀବାୟୁର କୌଣସି ଠିକଠିକଣା ନଥିବା ହେତୁ ବେଳେ ବେଳେ ଚାଷୀ ଜଳାଭାବରୁ କ୍ଷତିଗ୍ରସ୍ତ ହୋଇଥାଏ ଅବଶ୍ୟ ସରକାରୀ ସ୍ତରରେ ଏମିତି ଚାଷୀମାନଙ୍କୁ କ୍ଷତିପୂରଣ ଦିଆଯାଏ, କିନ୍ତୁ ତାହା ଚାଷୀ ଆଣିଥିବା ଋଣକୁ ସମ୍ପୂର୍ଣ୍ଣ ଭାବେ ପରିଶୋଧ କରିବାପାଇଁ ନିଅଣ୍ଟ ହୁଏ ତେଣେ କେବଳ ଚାଷ ଉପରେ ନିର୍ଭର ଚାଷୀ ହତୋତ୍ସାହିତ ହୋଇ ଆତ୍ମହତ୍ୟାପରି ପଦକ୍ଷେପ ନେବାକୁ ବାଧ୍ୟ ହୁଏ
ବିଗତ ବର୍ଷମାନଙ୍କରେ ଆନ୍ଧ୍ରପ୍ରଦେଶ, ମହାରାଷ୍ଟ୍ର, ମଧ୍ୟପ୍ରଦେଶ, ଉତ୍ତରପ୍ରଦେଶ ଆଦି ଅନେକ ରାଜ୍ୟରେ କୃଷକ ଆତ୍ମହତ୍ୟାର ଘଟଣାମାନ ପ୍ରକାଶିତ ହୋଇଛି ଏହି ଅବସ୍ଥା ଏତେ ଖରାପଥିଲା ଯେ ବଲିଉଡ଼ର ନିର୍ମାତା ଅମୀର ଖାନ ଏହି ବିଷୟ ଆଧାରିତ ଏକ ଚଳଚ୍ଚିତ୍ର ‘ପିପ୍ଲି ଲାଇଭ୍’ ପ୍ରସ୍ତୁତ କରି ଅନେକ ପୁରସ୍କାର ପାଇଛନ୍ତି ବର୍ତ୍ତମାନ ପ୍ରଶ୍ନ ଉଠୁଛି ଚାଷୀମାନଙ୍କ ଦୟନୀୟ ଅବସ୍ଥା ପାଇଁ କିଏ ଦାୟୀ ? କିଛି ରାଜନେତା କଥା ଛଳରେ କହିଲେ, ଯଦି ଜଣେ ଜଣେ ଚାଷୀ ପାଞ୍ଚ ପାଞ୍ଚଜଣ ପିଲା ଜନ୍ମ କରିବେ ତ ଆତ୍ମହତ୍ୟା କରିବା ଛଡ଼ା ଆଉ କିଛି ଉପାୟ ନାହିଁ ସେ କଥାଟା କେଉଁ ଭାବରେ କହିଥିଲେ ତାହା ବର୍ତ୍ତମାନ ଚର୍ଚ୍ଚାର ବିଷୟ ନାହିଁ, ବିଷୟ ହେଉଛି ସେ ସତ କହିଛନ୍ତି ନା ନାହିଁ ? ଆମେ ଯାହା ମନେ କରୁଛୁ, କଥାଟା ଷୋହଳ ଅଣା ସତ ଆଜିକାଲିର ମହଙ୍ଗା ଯୁଗରେ ଗୋଟିଏ କିମ୍ବା ଦୁଇଟି ସନ୍ତାନ ଜନ୍ମ କରିବା ଏବଂ ସେମାନଙ୍କୁ ସମସ୍ତ ସୁବିଧା ଦେଇ ପାଳନ ପୋଷଣ କରିବା କେତେ କଷ୍ଟକର ତାହା ସମସ୍ତେ ଜାଣନ୍ତି ସହରରେ ଘର କରିଥିବା ଏବଂ ମୋଟା ଅଙ୍କର ଦରମା ପାଉଥିବା ବ୍ୟକ୍ତିମାନେ ମଧ୍ୟ ଏହାକୁ ସମର୍ଥନ ଦେବେ କାରଣ, ଆଜିକାଲି ସବୁ ଜିନିଷ ପାଇଁ ଦରକାର ଟଙ୍କା, ଅଥଚ ଆର୍ଥିକ ଭାବରେ ସ୍ବଚ୍ଛଳ ନଥିବା ଅନେକ ପରିବାରରେ ଏକାଧିକ ପିଲା ଜନ୍ମ କରିବାର ଉଦାହରଣ ବିରଳ ନାହିଁ ଅନେକ ଏହାକୁ ଭଗବାନଙ୍କ ଆଶୀର୍ବାଦ ବୋଲି ମଧ୍ୟ କହିଛନ୍ତି କେବଳ ଚାଷବାସରେ ହିଁ ଏହି ସମସ୍ତ ପିଲାଙ୍କୁ ଦୁଇ ଓଳି ଖାଇବାକୁ ଦେବାକୁ ଅର୍ଥାଭାବ ଦେଖାଦେବା ସ୍ବାଭାବିକ ପୁଣି କେବଳ ଖାଇବାପିଇବା ବ୍ୟତୀତ ଆହୁରି ଅନେକ ଆନୁସଙ୍ଗିକ ଖର୍ଚ୍ଚ ମଧ୍ୟ ରହିଛି ସେ ସବୁର ଭରଣପୋଷଣ କିଏ କରିବ ? ସରକାର ସବୁଠାରେ ସବୁ ବ୍ୟବସ୍ଥା କରିଦେଇ ପାରିବେ ନାହିଁ ଯେଉଁମାନେ ଗରୀବିରେଖା ତଳେ ରହୁଛନ୍ତି ସେମାନଙ୍କୁ ହୁଏତ ମାଗଣାରେ ରହିବାକୁ ଘର, ବିଦ୍ୟୁତ, ଇନ୍ଧନ ଆଦି ମିଳିପାରୁଥିବ, ହେଲେ ସମସ୍ତଙ୍କୁ ଏ ସବୁ ଦେବା ସମ୍ଭବ ନାହିଁ ତା ହେଲେ ବୁଦ୍ଧିଜୀବି ଦେଇଥିବା ମତ ଠିକ୍ ଘର ଚଳେଇବ କେମିତି ? ଋଣ ପରିଶୋଧ କରିବ କେମିତି ? ବିହନ କିଣିବ କେମିତି ? ଏମିତି ଅନେକ ପ୍ରଶ୍ନର ଉତ୍ତର ନ ପାଇ ମାନସିକ ଭାବରେ ଚାପଗ୍ରସ୍ତ ହୋଇଯିବା ସ୍ବାଭାବିକ କଥା
ଆଉ ଗୋଟିଏ କଥାପ୍ରତି ମଧ୍ୟ ବିଶେଷ ଧ୍ୟାନ ଦେବା ଉଚିତ ମନେ କରୁଛି, ଆଉ ତାହା ହେଉଛି ସରକାରୀ କ୍ଷତିପୂରଣ ବ୍ୟବସ୍ଥା ପ୍ରତିବର୍ଷ ଭାରତର କୌଣସି ନା କୌଣସି ରାଜ୍ୟରେ ମରୁଡ଼ି ପରି ଅବସ୍ଥା ଦେଖା ଦେଉଛି, ଏବଂ ସେହି ରାଜ୍ୟ ସରକାର ଚାଷୀମାନଙ୍କୁ କ୍ଷତିପୂରଣ ଦେଉଛନ୍ତି ଏକର ପିଛା କିଛି କିଛି ଅର୍ଥ ବ୍ୟବସ୍ଥା କରିଦେବା ଫଳରେ କିଛି ନାମମାତ୍ର ଚାଷୀ, କ୍ଷତିଗ୍ରସ୍ତ ହୋଇଥିବା ପରିମାଣ ନ ପାଇ ଚାପଗ୍ରସ୍ତ ହେଉଛନ୍ତି, ଆଉ କେତେକ ମାଗଣାରେ ଫାଇଦା ପାଉଛନ୍ତି ଦେଶରେ ପ୍ରତିଦିନ ଅଗଣିତ ଲୋକ ଆତ୍ମହତ୍ୟା କରୁଛନ୍ତି କିଏ ଅର୍ଥାଭାବରୁ ତ କିଏ ମାନସିକ ବିଷାଦରୁ ପୁଣି କିଏ ପ୍ରେମପ୍ରତାରଣାରୁ ତ କିଏ ପରୀକ୍ଷାରେ ଅକୃତକାର୍ଯ୍ୟ ହେବାରୁ, କିଏ କିଏ ଚାକିରୀ ବେଉସା ନ ପାଇବାରୁ କରୁଛନ୍ତି ଚାଷୀ ଆତ୍ମହତ୍ୟା ସଂଖ୍ୟା ବୋଧହୁଏ ସେ ସବୁ ସଂଖ୍ୟାଠାରୁ ନଗଣ୍ୟ ପ୍ରତିବର୍ଷ ଅଗଣିତ ଛାତ୍ରଛାତ୍ରୀ ଉଚ୍ଚଶିକ୍ଷା ନିମନ୍ତେ ଦେଶର ବିଭିନ୍ନ ସରକାରୀ ଓ ବେସରକାରୀ ଶିକ୍ଷାନୁଷ୍ଠାନ ମାନଙ୍କରେ ପ୍ରବେଶ କରୁଛନ୍ତି, ଅନେକ କୃତକାର୍ଯ୍ୟ ହୋଇ ସଫଳତାର ସହ ଶିକ୍ଷା ସମାପନ କରୁଛନ୍ତି, ହେଲେ ଏ ସମସ୍ତଙ୍କୁ ଚାକିରୀ ମିଳୁଛି କି ? ଓଡ଼ିଶାରେ ପ୍ରତିବର୍ଷ ୧୦-୧୨ ହଜାର ଇଞ୍ଜିନିୟର ବାହାରୁଛନ୍ତି, ସେମାନେ ସମସ୍ତେ ଚାକିରୀ କରିପାରୁଛନ୍ତି କି ? ସେମାନଙ୍କ ମଧ୍ୟରୁ କେତେ ଜଣ ଆତ୍ମହତ୍ୟା କରୁଛନ୍ତି ତାହାର ପରିସଂଖ୍ୟାନ ପାଇଁ କେତେ ରାଜନୈତିକ ଦଳ ଚିନ୍ତା କରୁଛି ଭାରତର ପ୍ରଧାନମନ୍ତ୍ରୀ ଅତି ଗର୍ବର ସହ କହୁଛନ୍ତି ଭାରତର ଜନସଂଖ୍ୟାର ଏକ ବଡ଼ ଭାଗ କେବଳ ଯୁବବର୍ଗ ସେହି ଯୁବବର୍ଗ ଯେ ବିନା ଚାକିରୀ ବେଉସାରେ କେମିତି ବଞ୍ଚୁଛନ୍ତି ସେ ବିଷୟରେ ସେ ଚିନ୍ତା କରୁଛନ୍ତି କି ? ଭାରତର ଅଗଣିତ ଗ୍ରାମ ଜନପଦରେ ଅଗଣିତ ଲୋକ ପ୍ରତିବର୍ଷ ଆତ୍ମହତ୍ୟା କରୁଥିବା ବେଳେ କେହି କେବେ ଏହାକୁ ନେଇ ରାଷ୍ଟ୍ରୀୟ ସ୍ତରରେ ତୁମ୍ବିତୋଫାନ କରିବା ଭଳି ଦେଖାଯାଇଛି କି ? ନା ଆଜି କିନ୍ତୁ ଯେହେତୁ ଜଣେ ବ୍ୟକ୍ତି ଦିଲ୍ଲୀରେ ସର୍ବସମ୍ମୁଖରେ ଆତ୍ମହତ୍ୟା କରିପକାଇଲା, ସବୁ ରାଜନୈତିକ ଦଳ ସମ୍ବେଦନା ଦେଖାଇବାପାଇଁ ଆଗକୁ ଆସୁଛନ୍ତି
ଭାରତୀୟ ଦଣ୍ଡ ବିଧି ସଂହିତାରେ ଆତ୍ମହତ୍ୟା ଏକ ଘୋର ଅପରାଧ ବୋଲି ଘୋଷଣା କରାଯାଇଛି ଏବଂ ଆତ୍ମହତ୍ୟା କରିବା କିମ୍ବା କରିବାକୁ ଚେଷ୍ଟା କରୁଥିବା ବ୍ୟକ୍ତିଙ୍କୁ ଦଣ୍ଡ ବିଧାନ ହେବା ଉଚିତ ତା ହେଲେ ଯେଉଁ ବ୍ୟକ୍ତିଜଣକ ଆତ୍ମହତ୍ୟା କରିଛନ୍ତି ସେ ଆଇନ ଦୃଷ୍ଟିରେ ଜଣେ ଅପରାଧି ଆଉ ସେ କରିଥିବା କର୍ମ ମଧ୍ୟ ଅପରାଧ ଗଣ୍ୟ ସେହିପରି ବ୍ୟକ୍ତି ପ୍ରତି ସମ୍ବେଦନ ଦେଖାଉଥିବା ରାଜନୈତିକ ଦଳ ଭାରତୀୟ ଦଣ୍ଡବିଧି ଆଇନକୁ ପରିହାସ କରିବା ପରି ମନେ ହେଉନାହିଁ କି ?
ମୋ ମତରେ ଆତ୍ମହତ୍ୟା ପଛରେ ଯାହା ବି କାରଣ ଥାଉ ନା କାହିଁକି, ଜୀବନ ହାରିଦେବା ଭଳି ପଦକ୍ଷେପ ନେଉଥିବା ବ୍ୟକ୍ତି ହିଁ ଅସଲ ଅପରାଧି ମୃତ୍ୟୁ କୌଣସି ସମସ୍ୟାର ସମାଧାନ ନୁହେଁ, ଏହା ସମସ୍ୟାକୁ ଏଡ଼ାଇ ଯିବାର ଶେଷ ଚରମ ବ୍ୟବସ୍ଥା ହେଲେ ଜଣେ ବ୍ୟକ୍ତି ମୃତ୍ୟୁବରଣ କଲେ ତା ନାଁରେ ଥିବା ଋଣ ପରିଶୋଧ ହୋଇଯାଏ କି ? ଚାଷୀ ଆତ୍ମହତ୍ୟା କଲେ ସରକାରଙ୍କ ତରଫରୁ ପରିବାରକୁ ଭରଣପୋଷଣ ପାଇଁ ଅନୁକମ୍ପାମୂଳକ ଅର୍ଥ ଦେବା ବ୍ୟବସ୍ଥାକୁ ବନ୍ଦ କରିବାକୁ ପଡ଼ିବ ମୃତ୍ୟୁବରଣ କରିଦେଲେ ପରିବାରର ପେଟ ପୋଷିବା ସମ୍ଭବ ହୋଇପାରିବ କି ? ଯେଉଁ ବ୍ୟକ୍ତିଜଣକ ଆତ୍ମହତ୍ୟା କରିଥିଲେ ସେ ମାନସିକ ସ୍ତରରେ ଋଗ୍ଣ ଥିଲେ କି ? ଯଦି ଥିଲେ ତା ହେଲେ ତାଙ୍କର ଏତାଦୃଶ କାର୍ଯ୍ୟକୁ ବୁଝେଇବା ସହଜ ହେବ, କିନ୍ତୁ ଯଦି ସେ ମାନସିକ ରୋଗୀ ନଥିଲେ ତା ହେଲେ ତାଙ୍କର ଏହି ଆତ୍ମହତ୍ୟା ପଛରେ ଦାୟୀ କେବଳ ସେ ନିଜେ ଆଉ କେହି ନୁହେଁ
ବୁଝି ବିଚାରି କର୍ମକଲେ, ବିପଦ ନ ପଡ଼ଇ ଭଲେ
ଏଠାରେ ପଢ଼ନ୍ତୁ !
ପବିତ୍ର ଅକ୍ଷୟ ତୃତୀୟାର ଅଭିନନ୍ଦନ
ଏଠାରେ ପଢ଼ନ୍ତୁ !