ଡା ଜ୍ୟୋତି ପ୍ରସାଦ ପଟ୍ଟନାୟକ
ଫାଲ୍ଗୁନ ମାସର ବିଶେଷ ପର୍ବ ହୋଲି ବର୍ତ୍ତମାନ ଆଗତପ୍ରାୟ ପ୍ରତିବର୍ଷ ପରି ଏହି ବର୍ଷ ମଧ୍ୟ ହୋଲି ପର୍ବକୁ ବହୁତ ଧୁମଧାମରେ ପାଳନ ପାଇଁ ସମସ୍ତେ ଯୋଜନା କରିବେଣି ହୋଲି ଏକ ଅଦ୍ଭୁତ ପର୍ବ, ଯେଉଁଥିରେ ପରସ୍ପର ଉପରେ ଫଗୁ / ରଙ୍ଗ ଲଗାଇ ଆନନ୍ଦ ପାଳନ କରାଯାଏ ଏହା ସାମାଜିକ ଭାତୃତ୍ବର ପର୍ବ କହିଲେ ଅତ୍ୟୁକ୍ତି ହେବ ନାହିଁ ଜାତି ଧର୍ମ ନିର୍ବିଶେଷରେ ସମସ୍ତେ ଏହି ପର୍ବକୁ ଆନନ୍ଦ ସହକାରେ ପାଳନ କରନ୍ତି ବିଗତ ଅନେକ ବର୍ଷରେ ଏହି ପର୍ବ ଦେଶରେ ବ୍ୟାପାର କ୍ଷେତ୍ରରେ ମଧ୍ୟ ଆନନ୍ଦ ଆଣି ଦେଇଛି, ଦିନକୁ ଦିନ ନୂଆ ନୂଆ ରଙ୍ଗ ଓ ବିଭିନ୍ନ ଆନୁସଙ୍ଗିକ ପଦାର୍ଥର ଉପସ୍ଥାପନା କରି କମ୍ପାନୀମାନେ ଖାଉଟି ମାନଙ୍କୁ ଲୋଭେଇବାରେ ଲାଗିଛନ୍ତି ଅତୀତର ହୋଲି ଆଉ ବର୍ତ୍ତମାନର ହୋଲିରେ ଯଦି କିଛି ବଦଳିଛି ତା ହେଲେ ତାହା ହେଉଛି କୃତ୍ରିମ ରଙ୍ଗର ଉପସ୍ଥିତି ଏଇ ସବୁ ରଙ୍ଗ ଆମ ପାଇଁ ହାନିକାରକ ହୋଇପାରେ ହୋଲି ଯଦିଓ ଏକ ଆନନ୍ଦର ପର୍ବ, କିନ୍ତୁ ଅସାବଧାନତା ଦ୍ବାରା ଏହା ଦୁଃଖରେ ପରିଣତ ହୋଇପାରେ ତା ହେଲେ କେମିତି ପାଳିବା ହୋଲି, ଯାହା ସୁରକ୍ଷିତ ଏବଂ ଆନନ୍ଦ ଦାୟକ ହୋଇଥିବ
ହୋଲି ପାଳନ ପୂର୍ବରୁ କଣ କରିବେ ?
୧. ଶରୀରରେ ବହୁତ ମାତ୍ରାରେ ମଶ୍ଚରାଇଜର ଲଗାନ୍ତୁ
୨. କେଶରେ ନଡ଼ିଆ ତେଲ କିମ୍ବା ଅଲିଭ୍ ତେଲ ଲଗାଇଲେ ରଙ୍ଗ ଧରେ ନାହିଁ
୩. ମୁହଁରେ ଅଧିକ ମାତ୍ରାରେ ସନସ୍କ୍ରିନ୍ ଲୋସନ ବ୍ୟବହାର କରନ୍ତୁ
୪. ଦେହକୁ ସମ୍ପୂର୍ଣ୍ଣ ଭାବେ ଘୋଡ଼େଇ ରଖିବା ଭଳି ଲମ୍ବା ପୋଷାକ ପିନ୍ଧନ୍ତୁ ଯାହା ଦ୍ବାରା ଶରୀରର ସମ୍ବେଦନଶୀଳ ଅଙ୍ଗରେ ରଙ୍ଗ ଲାଗିବ ନାହିଁ
୫. ହୋଲି ଖେଳିବା ପୂର୍ବରୁ ଯଦି ଶରୀରର କୌଣସି ଅଙ୍ଗରେ ବିଗତ ହୋଲିରେ କୌଣସି ପ୍ରକାର ରସାୟନିକ ପ୍ରତିକ୍ରିୟା ଦେଖାଦେଇଥାଏ, ତେବେ ସେଇ ସ୍ଥାନରେ ଆଣ୍ଟିସେପ୍ଟିକ୍ କ୍ରିମ୍ କିମ୍ବା କାଲାମିନ୍ ଲୋସନ୍ ବ୍ୟବହାର କରନ୍ତୁ
୬. ଯଥା ସମ୍ଭବ ପୁରୁଣା ଏବଂ ଅନାବଶ୍ୟକ ପୋଷାକ ବ୍ୟବହାର କରନ୍ତୁ, ଯାହା ହୋଲି ଖେଳିବା ପରେ ଆପଣ ଚାହିଁଲେ ଫୋପାଡ଼ି ଦେଇ ପାରିବେ
୭. ଆଖିରେ କୌଣସି ରଙ୍ଗ ନ ପଡ଼ିବା ପାଇଁ ଚଷମା ବ୍ୟବହାର କରିବା ନିତାନ୍ତ ଜରୁରୀ
୮. କେବଳ ପ୍ରାକୃତିକ ରଙ୍ଗ ହିଁ ବଜାରରୁ କିଣି ଆଣନ୍ତୁ ଯଦି ତାହା ଉପଲବ୍ଧ ନଥାଏ, ତେବେ ସବୁଠାରୁ ସୁରକ୍ଷିତ ରଙ୍ଗ ହିଁ କିଣି ଆଣନ୍ତୁ
ହୋଲି ଖେଳୁଥିବା ସମୟରେ ସାବଧାନତା :-
୧. କେବଳ ପ୍ରାକୃତିକ / ଅର୍ଗାନିକ୍ ରଙ୍ଗ ହିଁ ବ୍ୟବହାର କରନ୍ତୁ ଏବଂ ଅନ୍ୟମାନେ କରିବାପାଇଁ ପ୍ରୋତ୍ସାହନ ଦିଅନ୍ତୁ
୨. ହୋଲି ପର୍ବ ସମୟରେ ଖରାଦିନିଆ ପାଗ ରହେ, ତେଣୁ ନିଜକୁ ସତେଜ ରଖିବା ପାଇଁ ଅଧିକ ପରିମାଣର ପାଣି ପିଅନ୍ତୁ
୩. ମଦ ଏବଂ ନିଶା ଦ୍ରବ୍ୟ ସେବନ କରିବା ଦ୍ବାରା ଶାରିରୀକ ଜଳୀୟାଂଶର ଅନୁପାତ କମ ହୋଇପାରେ ଏବଂ ଏହା ଆପଣଙ୍କ ପାଇଁ ହାନିକାରକ ହୋଇପାରେ, ତେଣୁ ଏହି ସବୁ ପଦାର୍ଥ ସେବନ କରନ୍ତୁ ନାହିଁ
୪. ଯଦି ହୋଲି ଖେଳୁଥିବା ବେଳେ କୌଣସି ରଙ୍ଗ ଲାଗିଗଲେ ଚର୍ମରେ ଜ୍ବଳନ ହୁଏ ତେବେ ତୁରନ୍ତ ତାହାକୁ ବହୁତ ପରିମାଣର ପାଣିରେ ଧୋଇ ଦିଅନ୍ତୁ, କିମ୍ବା ସାବୁନ ଦ୍ବାରା ଧୋଇଦିଅନ୍ତୁ
୫. ମୁଣ୍ଡଫଟା ରଙ୍ଗ / ଅଳତା ଶ୍ରେଣୀର ଗାଢ଼ ରଙ୍ଗ ବ୍ୟବହାର କରନ୍ତୁ ନାହିଁ କିମ୍ବା କାହାକୁ କରିବାକୁ ଦିଅନ୍ତୁ ନାହିଁ
୬. ଆଜିକାଲି ମିଳୁଥିବା କୃତ୍ରିମ ରଙ୍ଗମାନଙ୍କରେ ଲେଡ୍ ଅକ୍ସାଇଡ଼୍, ଇଞ୍ଜିନ୍ ଅଏଲ୍, ଡିଜେଲ୍, କପର୍ ସଲ୍ଫେଟ୍ ଆଦି ପଦାର୍ଥ ମିଶିଥାଏ, ଯାହା ଶରୀର ପାଇଁ କ୍ଷତିକାରକ ତେଣୁ ସେହିପରି ରଙ୍ଗ ବ୍ୟବହାର କରନ୍ତୁ ନାହିଁ
୭. ହୋଲି ସମୟରେ ମିଠା ଖୁଆଇବାର ପ୍ରଥା ରହିଛି, ହୋଲି ପାଇଁ ପ୍ରସ୍ତୁତ ହୋଇଥିବା ମିଠାରେ ଅନେକ ପ୍ରକାର ମିଳାମିଶା ହୋଇଥାଏ, ତେଣୁ ନିର୍ଭରଯୋଗ୍ୟ ପ୍ରତିଷ୍ଠାନରୁ ହିଁ ମିଠା କିଣନ୍ତୁ
୮. ହୋଲି ଖେଳୁଥିବା ସମୟରେ ଯଦି ରଙ୍ଗ ଆଖିରେ ପଶିଯାଏ, ତେବେ ତୁରନ୍ତ ତାହାକୁ ସଫା ପାଣିରେ ବାରମ୍ବାର ଧୋଇ ଦିଅନ୍ତୁ
୯. କଳା ଏବଂ ଚିକିଟା ରଙ୍ଗ ବ୍ୟବହାର କରୁଥିବା ବ୍ୟକ୍ତିମାନଙ୍କ ଠାରୁ ଦୂରରେ ରହନ୍ତୁ
୧୦. ହୋଲି ସମୟରେ ଭାଙ୍ଗ ମିଶ୍ରିତ ପଣା ପିଇବାର ପ୍ରଥା ମଧ୍ୟ ରହିଛି, ତେଣୁ କେହି ବନ୍ଧୁ ଦେଉଥିବା ପାନୀୟକୁ ନିସନ୍ଦେହ ପିଇଦିଅନ୍ତୁ ନାହିଁ କାରଣ ଭାଙ୍ଗ ପିଇଦେବା ପରେ ଆପଣ ଚେତାଶୂନ୍ୟ ହୋଇପାରନ୍ତି
ହୋଲି ଖେଳ ସରିବାପରେ କଣ କରିବା :-
୧. ଦେହରେ ଲାଗିଥିବା ରଙ୍ଗକୁ ଝାଡ଼ି ସଫା କରିବା
୨. ନଖ ଉଷୁମ ପାଣିରେ ଗାଧୋଇବା ଦ୍ବାରା ସହଜରେ ରଙ୍ଗ ଛାଡ଼ିଯାଏ
୩. ସାମ୍ପୁ ବ୍ୟବହାର କରି କେଶରେ ଲାଗିଥିବ ରଙ୍ଗକୁ ସଫାକରିବା
୪. ସାମ୍ପୁ ବ୍ୟବହାର କରିବା ପରେ ହେୟାର୍ କଣ୍ଡିସନର ବ୍ୟବହାର କଲେ କେଶ ସଫା ରହେ
୫. ଅଧିକ ପାଣି ବ୍ୟବହାର କରି ଭଲକରି ଗାଧୋଇବା ଦରକାର
୬. ବେସନରେ ଦହି ଏବଂ ହଳଦୀ ମିଶାଇ ଗାଧୋଇଲେ ଦେହରେ ଲାଗିଥିବା ରଙ୍ଗ ଛାଡ଼ିଯାଏ
୭. ଯଦି ତଥାପି କୌଣସି ରଙ୍ଗ ଛାଡ଼େନାହିଁ, ତେବେ ତାହାର ପ୍ରକାର ଏବଂ କେମିତି ଛାଡ଼ିବ ସେ ବିଷୟରେ ବିଶେଷ ସୂଚନା ପାଇଁ ଅଭିଜ୍ଞ ବ୍ୟକ୍ତିଙ୍କ ସହ ପରାମର୍ଶ କରନ୍ତୁ
୮. ଯଦି ଶରୀରର କୌଣସି ସ୍ଥାନରେ ଜ୍ବଳନ ହୁଏ, କିମ୍ବା ଲାଲ୍ ପଡ଼ିଯାଏ, ତା ହେଲେ ତୁରନ୍ତ ଚର୍ମରୋଗ ବିଶେଷଜ୍ଞଙ୍କ ପରାମର୍ଶ ନିଅନ୍ତୁ
ଉପରୋକ୍ତ ସମସ୍ତ ସାବଧାନତା ଅବଲମ୍ବନ କଲେ ଆପଣଙ୍କ ହୋଲି ସୁରକ୍ଷିତ ଓ ଆନନ୍ଦମୟ ହୋଇପାରିବ ଆପଣଙ୍କୁ ହୋଲି ପର୍ବର ଅନେକ ଅଭିନନ୍ଦନ
ସହକାରୀ ଅଧ୍ୟାପକ,
ରୋଲାଣ୍ଡ ଫାର୍ମାସୀ କଲେଜ,
ବ୍ରହ୍ମପୁର, ୭୬୦୦୧୦
ଫୋନ୍ : ୯୦୪୦୯୮୫୪୬୩
Picture courtesy : Google Image search and Various websites.
ପାଞ୍ଚ ଟଙ୍କାରେ ଭାତ ଡାଲମା
ଏଠାରେ ପଢ଼ନ୍ତୁ !
ସମ୍ବଲପୁର : ହେପାଟାଇଟିସ୍ ଏ ଏବଂ ଜଣ୍ଡିସ
ଏଠାରେ ପଢ଼ନ୍ତୁ !