ମନେ କରନ୍ତୁ ଆପଣ ନିଜ ଘରେ ବସିଛନ୍ତି ଆଉ ପ୍ରତିଦିନ ସକାଳେ ଗାଇକ୍ଷୀର ନେଇ ଆସୁଥିବା ଲୋକଟା କହୁଛି ଆଜିଠୁ କ୍ଷୀର ଦର ବଢ଼ିବ ଯଦି ଆପଣ ଏଇ କ୍ଷୀରରେ କେବଳ ଚା କରି ପିଇବେ ତ ଲିଟର ତିରିଶି ଦେବେ, ଆଉ ଯଦି କ୍ଷୀରି କରିବେ ତ ଲିଟର ଚାଳିଶ ଦେବେ, ଆଉ ଯଦି ମିଠା ତିଆରି କରିବେ ତ ଲିଟର ପଚାଶ ଟଙ୍କା ଦେବେ !!! ଆପଣ ଆଶ୍ଚର୍ଯ୍ୟ ହେବେ ନିଶ୍ଚୟ କାରଣ ଆପଣ କ୍ଷୀର କଣ କରିବେ ନ କରିବେ ସେ କଥା ସେ ତ ଜାଣିବ ନାହିଁ ? ଆରେ ମୁଁ କହିବାକୁ ଭୁଲି ଯାଉଛି, ସେ ଲୋକର ଏଜେଣ୍ଟ୍ ଆପଣଙ୍କ ଘରକୁ ବାରମ୍ବାର ଆସି ଦେଖିଯିବେ ଯେ ଆପଣ ସେ କ୍ଷୀରରେ କଣ କରୁଛନ୍ତି ଏମିତି ବ୍ୟବସ୍ଥା ଆପଣଙ୍କୁ କେମିତି ଲାଗିବ ?
ଆପଣ ଇଣ୍ଟରନେଟ୍ ବ୍ୟବହାର ତ ନିଶ୍ଚୟ କରୁଛନ୍ତି, ନ ହେଲେ ଏହି ଲେଖାକୁ ପଢ଼ି ପାରିନଥାନ୍ତେ କେଉଁ ଇଣ୍ଟରନେଟ୍ ବ୍ୟବହାର କରୁଛନ୍ତି ? ବ୍ରଡ଼ବ୍ୟାଣ୍ଡ, ନା ଡୋଙ୍ଗଲ୍, ନା ମୋବାଇଲ୍ ? ପ୍ରତି ମାସରେ ଏକ ନିର୍ଦ୍ଧାରିତ ଅର୍ଥ ଦେଉଥିବେ ନେଟ୍ ପ୍ୟାକ୍ ବୋଲି ମଧ୍ୟ କହିପାରନ୍ତି ପ୍ରାୟତଃ ଶହେରୁ ଆରମ୍ଭ କରି ଅଧିକ ଦାମର ନେଟପ୍ୟାକ୍ ଉପଲବ୍ଧ ଅଛି ଆପଣ ନେଟ୍ ପ୍ୟାକ୍ ପକାଇ କେହି କେହି ଫେସବୁକ୍ କରୁଛନ୍ତି ତ କିଏ ଟ୍ବିଟର ପୁଣି କିଏ ହ୍ବାଟସ୍ ଆପ୍ ଏବେ ମନେ କରନ୍ତୁ ଆସନ୍ତା ମାସରେ ଆପଣ ନେଟ ପ୍ୟାକ୍ ପକାଇବାକୁ ଗଲାବେଳେ ଦୋକାନୀ ଆପଣଙ୍କୁ କହିବ, ଏହି ସବୁ ୱେବସାଇଟ ବ୍ୟବହାର କରିବାପାଇଁ ଆପଣଙ୍କୁ ଅଧିକ ଅର୍ଥ ଦେବାକୁ ପଡ଼ିବ ତା ହେଲେ ଆପଣ କଣ କରିବେ ?
ଡିସେମ୍ବର ୨୦୧୪ରେ ଗୋଟିଏ ବେସରକାରୀ ସଂସ୍ଥା ଏୟାରଟେଲ୍ ନିଜର ଡାଟା ସର୍ଭିସ୍ ଦରରେ ପରିବର୍ତ୍ତନ କରି କହିଥିଲା ଯେ, ଯେଉଁମାନେ ଏୟାରଟେଲ୍ ଇଣ୍ଟରନେଟ୍ ବ୍ୟବହାର କରି ସ୍କାଇପେ ମାଧ୍ୟମରେ କଲ୍ କରୁଛନ୍ତି ସେମାନଙ୍କୁ ଅଧିକ ଅର୍ଥ ଦେବାକୁ ପଡ଼ିବ ଏହାପରେ ଏହାକୁ ବିରୋଧ କରି କିଛି ଲୋକ ଏକ ଜନସ୍ବାର୍ଥ ମାମଲା ଦାୟର କରିଥିଲେ ସ୍ବାଭାବିକ କଥା, ଆମକୁ ଦରକାର ଇଣ୍ଟରନେଟ୍ ସେବା, ଆମେ ସେଥିରେ ଫେସବୁକ କରୁ କି ହ୍ବାଟସଆପ୍ ସେଥିରେ କମ୍ପାନୀ ମୁଣ୍ଡଖେଳାଇବା ଉଚିତ ନୁହେଁ ଭାରତୀୟ ଗଣତନ୍ତ୍ରରେ ସ୍ବାଧୀନ ମତବ୍ୟକ୍ତ କରିବାର ଯେମିତି ଅଧିକାର ଅଛି, ସେହିପରି ନବନିର୍ବାଚିତ ପ୍ରଧାନମନ୍ତ୍ରୀ ଦେଶରେ ଆଇଟି କ୍ଷେତ୍ରରେ କ୍ରାନ୍ତି ଆଣିବାକଥା କହୁଥିବା ବେଳେ ଏହିପରି ବ୍ୟବସ୍ଥା ଦ୍ବାରା ନିଶ୍ଚୟ ଭାବରେ ସାଧାରଣ ଖାଉଟି କ୍ଷତିଗ୍ରସ୍ତ ହେବେ
ଏଠାରେ ଉଲ୍ଲେଖ କରାଯାଇପାରେ ଯେ କିଛି ଇଣ୍ଟରନେଟ୍ ପ୍ରଦାନକାରୀ ସଂସ୍ଥା ବେଳେ ବେଳେ କିଛି ୱେବସାଇଟ ମାଗଣାରେ ଦେଖାଇବା ପାଇଁ ବ୍ୟବସ୍ଥା କରନ୍ତି, ଯେମିତି ରିଲାଏନ୍ସ ଜିଏସଏମ୍ ରେ ଶୁକ୍ରବାର ଦିନ ଫେସବୁକ ମାଗଣା ଥାଏ ଏହାଦ୍ବାରା ସୁସ୍ଥ ପ୍ରତିଯୋଗୀତା ହୋଇପାରିବ ନାହିଁ ଯଦି ଇଣ୍ଟରନେଟ୍ ପ୍ରଦାନକାରୀ ସଂସ୍ଥାମାନେ ବିଭିନ୍ନ ବଡ଼ ବଡ଼ ୱେବସାଇଟ ସହ ସହଯୋଗୀତା କରି ସେମାନଙ୍କ ୱେବସାଇଟର ଡାଉନଲୋଡ୍ ଗତିକୁ ବଢ଼ାଇଦେବେ, ତାହେଲେ ନୁଆ ନୁଆ ଖୋଲୁଥିବା ୱେବସାଇଟ୍ ମାନେ ଏହାଦ୍ବାରା ନିଶ୍ଚିତ ଭାବରେ କ୍ଷତିଗ୍ରସ୍ତ ହେବେ କିଛି ସଂସ୍ଥା ଏହିପରି ବଡ଼ ବଡ଼ ୱେବସାଇଟ ମାନଙ୍କ ଠାରୁ ଶୁଳ୍କନେଇ ସେମାନଙ୍କ ସେବାକୁ ମାଗଣା କରିବାର ମସୁଧା ବି କରୁଛନ୍ତି, ଏହା ଦ୍ବାରା ମଧ୍ୟ ସାନ ସାନ ୱେବସାଇଟ୍ ମାନଙ୍କ ଲୋକପ୍ରିୟତା ଉପରେ ପ୍ରଭାବ ପଡ଼ିବ
ଆମେରିକାରେ ୨୦୦୨ ମସିହାରୁ ଏହି ବିଷୟ ଉପରେ ଚର୍ଚ୍ଚା ଜାରୀ ରହିବା ପରେ ସେହି ଦେଶର ସର୍କାର ନିଷ୍ପତ୍ତି ନେଇଥିଲେ ଯେ କୌଣସି ଇଣ୍ଟରନେଟ୍ ପ୍ରଦାନକାରୀ ସଂସ୍ଥା କୌଣସି ୱେବସାଇଟକୁ ଅଧିକ, କମ କିମ୍ବା ଶୂନ୍ୟ ଗତିଶୀଳ କରିପାରିବ ନାହିଁ ଏହା ଫଳରେ ସମସ୍ତଙ୍କୁ ସମାନ ଭାବରେ ଦେଖିବା ସୁଯୋଗ ମିଳିବ
ଭାରତରେ ଟେଲିକମ୍ ନିୟାମକ ପ୍ରାଧିକରଣ (ଟ୍ରାଇ) ଦ୍ବାରା ଅପ୍ରେଲ ୨୪ ତାରିଖରେ ସୁପ୍ରିମ କୋର୍ଟରେ ଏହି ବାବଦରେ ଏକ ଦସ୍ତାବେଜ ଉପସ୍ଥାପନ କରିବେ ଏବଂ ସେଥିପାଇଁ ସେ ସର୍ବସାଧାରଣଙ୍କ ମତ ଲୋଡ଼ିଥିଲେ ଅନ୍ୟୁନ ସାଢ଼େ ଛଅ ଲକ୍ଷ ଇମେଲ୍ ବର୍ତ୍ତମାନ ସୁଦ୍ଧା ଟ୍ରାଇ ପାଖରେ ପହଞ୍ଚିସାରିଲାଣି
ନେଟ୍ ନ୍ୟୁଟ୍ରାଲିଟି କଣ ?
ମନେକରନ୍ତୁ ଆପଣ ମୋବାଇଲ୍ ଫୋନରେ କାହାକୁ ଫୋନ କରୁଛନ୍ତି ସେ ଆପଣଙ୍କ ବନ୍ଧୁ ହୋଇପାରନ୍ତି, ଶତ୍ରୁ ହୋଇପାରନ୍ତି, ବସଷ୍ଟାଣ୍ଡ, ହସପିଟାଲ୍, ସିନେମା ହଲ୍, ରେସ୍ତୋରାଂ, ଯାହା ବି ହେଉ ଆପଣ କଲ୍ କରିପାରୁଛନ୍ତି ଆପଣଙ୍କ କଲକୁ କେବେ ବି ବନ୍ଦ କରାଯାଇପାରେନି କାରଣ ମୋବାଇଲ୍ ଫୋନର ମାଲିକ ଆପଣ ଆଉ କଲ୍ କରିବାପାଇଁ ନିର୍ଦ୍ଧାରିତ ଶୁଳ୍କ ଦେଉଛନ୍ତି ମଧ୍ୟ ଏହାକୁ କୁହାଯାଏ ନ୍ୟୁଟ୍ରାଲିଟି ନୂଆ ଇଣ୍ଟରନେଟ୍ ବ୍ୟବସ୍ଥା ଯେତେବେଳେ କାର୍ଯ୍ୟକାରୀ ହୋଇଥିବା ବିଗତ ଶତାବ୍ଦୀର ଅଶି ଦଶକରେ ସେତେବେଳେ ଇଣ୍ଟରନେଟ୍ ସେବା ଯୋଗାଇ ଦେଉଥିବା କମ୍ପାନୀମାନେ ଟେଲିଫୋନ କମ୍ପାନୀ ଭଳି କୌଣସି ପ୍ରକାର ଦେଖରେଖ କରୁନଥିଲେ ଯେ କୌଣସି ବ୍ୟକ୍ତି ଅର୍ଥ ବିନିମୟରେ ଇଣ୍ଟରନେଟ୍ ସେବା ପାଉଥିଲା ଯେତେଦୁର ସମ୍ଭବ ଅନୈତିକ ବା ବେଆଇନ୍ ୱେବସାଇଟ୍ ଗୁଡ଼ିକୁ ଛାଡ଼ିଦେଲେ ଅନ୍ୟ କୌଣସି ୱେବ୍ସାଇଟକୁ ଏହି ସଂସ୍ଥାମାନେ ଗୁରୁତ୍ତ୍ବ ଦେଉନଥିଲେ ବର୍ତ୍ତମାନ ଆପଣ ଉପଭୋଗ କରୁଥିବା ଇଣ୍ଟରନେଟ ବ୍ୟବସ୍ଥାକୁ ଆପଣ ନେଟ୍ ନ୍ୟୁଟ୍ରାଲିଟି ବ୍ୟବସ୍ଥା ବୋଲି କହିପାରିବେ
ହେଲେ ଭାରତରେ ଏୟାରଟେଲ୍, ଭୋଡ଼ାଫୋନ୍ ପରି ସଂସ୍ଥାମାନେ ହ୍ବାଟସଆପ୍, ଫେସବୁକ୍ ଓ ସ୍କାଇପେ ବ୍ୟବହାର କରି ଫୋନ କରୁଥିବା ଲୋକଙ୍କ ଉପରେ ଅଧିକ ଶୁଳ୍କ ଦାବୀ କରିବାପରେ ନେଟ୍ ନ୍ୟୁଟ୍ରାଲିଟିକୁ ନେଇ ପ୍ରଶ୍ନ ଉଠିଥିଲା
ବର୍ତ୍ତମାନ ବି ଭାରତର ଏକ ବଡ଼ ଭାଗ ଲୋକ ଇଣ୍ଟରନେଟ୍ କଣ ଜାଣିନାହାନ୍ତି ଦେଶରେ ସର୍ବାଧିକ ୨ ଏମବିପିଏସ୍ ଗତିରେ ହିଁ ଇଣ୍ଟରନେଟ୍ ସେବା ଉପଲବଧ ରହିଛି ଏହିପରି ସମୟରେ ଇଣ୍ଟରନେଟ ସେବା ଯୋଗାଇଦେବାର ଭିତ୍ତିଭୂମି ସୃଷ୍ଟି ନ କରି, ବିଭିନ୍ନ ସେବାପାଇଁ ଅଧିକ ଅର୍ଥ ଦାବୀ କରିବା ସମ୍ପୂର୍ଣ୍ଣ ଭାବେ ଅନୈତିକ ବୋଲି ଆମେ ମନେ କରୁ ଯଦି ଆପଣ ବି ଏହିପରି ଭାବୁଥାନ୍ତି, ତା’ହେଲେ ଏହି ବିଷୟରେ ନିଜ ମତବ୍ୟକ୍ତ କରିବା ସମୟ ଆସିଛି ଆଜି ହିଁ ଏହାର ବିରୋଧ କରନ୍ତୁ ନଚେତ୍ ପରେ ନେଟ୍ ପ୍ୟାକର ମୂଲ୍ୟ ବୃଦ୍ଧି ହୋଇପାରେ ଆଉ ସେତେବେଳକୁ ନେଡ଼ିଗୁଡ଼ କହୁଣୀକୁ ଖସିଯାଇଥିବା ଅବସ୍ଥା ହୋଇଯିବ
Visit the site http://www.savetheinternet.in and support this.
ପବିତ୍ର ଅକ୍ଷୟ ତୃତୀୟାର ଅଭିନନ୍ଦନ
ଏଠାରେ ପଢ଼ନ୍ତୁ !
ଓଡ଼ିଆ ନବବର୍ଷର ହାର୍ଦ୍ଦିକ ଅଭିନନ୍ଦନ
ଏଠାରେ ପଢ଼ନ୍ତୁ !