ବିବାହ, ବ୍ରତ, ଗୃହପ୍ରବେଶାଦି ଅନେକ ଶୁଭକର୍ମରେ ଆପଣଙ୍କୁ ନିମନ୍ତ୍ରଣ କରାଯାଏ, ହେଲେ ଏହି ସମସ୍ତ ଉତ୍ସବକୁ ଆମନ୍ତ୍ରିତ ଅତିଥିମାନଙ୍କ ସହିତ ଅନେକ ଅଣଆମନ୍ତ୍ରିତ ଅତିଥି ମଧ୍ୟ ଆସିଥାନ୍ତି ସେ ସବୁ ଲୋକ ଆସନ୍ତି କାହିଁକି, କେହି ଜଣେ ଗବେଷଣା କରି ଜଣାଇଛନ୍ତି ଯେ ସାମାଜିକ ସମାରୋହ ମାନଙ୍କରେ ଯୋଗ ଦେଉଥିବା ଲୋକ ସମୁଦାୟ ପାଞ୍ଚ ପ୍ରକାରର ଅଟନ୍ତି
ପ୍ରଥମପ୍ରକାର : ଏହି ଶ୍ରେଣୀର ଲୋକମାନେ ସାଧାରଣତଃ ବର କିମ୍ବା ବଧୁପକ୍ଷର ସମ୍ବନ୍ଧୀୟ ଗୋଷ୍ଠୀ ଯଥା ଦାଦା, ମଉସା, ପିଉସା ଏବଂ ତତ ସମ୍ବନ୍ଧୀୟ ଦୂରବନ୍ଧୁ ହୋଇପାରନ୍ତି ଏହି ଶ୍ରେଣୀର ଲୋକମାନେ ସାଧାରଣତଃ ନିଜର ସାମାଜିକ ଦାୟିତ୍ବର ପରିପ୍ରକାଶ ହେତୁ ଏହି ସବୁ ଉତ୍ସବର ସାମିଲ୍ ହୁଅନ୍ତି
ଦ୍ବିତୀୟ ପ୍ରକାର : ଏହି ଶ୍ରେଣୀର ଲୋକମାନେ ସିଧାସଳଖ ବନ୍ଧୁବର୍ଗ ନ ହେଲେ ବି ବରପକ୍ଷ କିମ୍ବା କନ୍ୟାପକ୍ଷର ଚିହ୍ନା ପରିଚିତ ହୋଇପାରନ୍ତି, ଯେମିତି ବନ୍ଧୁ, ସ୍କୁଲ କିମ୍ବା କଲେଜର ପାଠ ପଢୁଥିବା ସାଙ୍ଗ, ଅଫିସରେ ଏକାଠି କାମ କରୁଥିବା ସାଙ୍ଗସାଥୀ ହୋଇପାରନ୍ତି
ତୃତୀୟ ପ୍ରକାର : ଏହି ଶ୍ରେଣୀର ଲୋକମାନେ ନିଜପାଇଁ କିମ୍ବା ନିଜ ସନ୍ତାନମାନଙ୍କ ପାଇଁ ଉପଯୁକ୍ତ ବରପାତ୍ର କିମ୍ବା କନ୍ୟାପାତ୍ରୀ ସନ୍ଧାନରେ ଏମିତି ସବୁ ଉତ୍ସବକୁ ଆସନ୍ତି ଏହି ସମୟରେ ପ୍ରାୟତଃ ବନ୍ଧୁପରିଜନ ବା ସମ୍ବନ୍ଧୀୟ ମାନଙ୍କ ମଧ୍ୟରେ ଭଲ ପାତ୍ର କିମ୍ବା ପାତ୍ରୀଟିଏ ପାଇବାର ସୁଯୋଗ ଅଧିକ ଥାଏ ତେଣୁ ସେମାନେ ଭଲ ସୁନ୍ଦର ବେଶପରିପାଟୀ ହୋଇ ଏହି ସବୁ ଉତ୍ସବରେ ଯୋଗ ଦିଅନ୍ତି
ଚତୁର୍ଥ ପ୍ରକାର : ଏହି ଶ୍ରେଣୀର ଲୋକମାନେ ପ୍ରାୟତଃ ସୁସ୍ବାଦୁ ଖାଦ୍ୟଲୋଭୀ ହୋଇଥାଆନ୍ତି ଏବଂ ବିଭିନ୍ନ ପ୍ରକାରର ବ୍ୟଞ୍ଜନ ଖାଇବା ଆଶାରେ ଏହି ସବୁ ସମାରୋହରେ ଯୋଗ ଦିଅନ୍ତି ବିବାହ ଉତ୍ସବ ହେଉଥିବା ସ୍ଥାନ ଅପେକ୍ଷା ରୋଷଶାଳାରେ ଏମାନଙ୍କର ଉପସ୍ଥିତି ଅଧିକ ଦେଖାଯାଏ ଭୋଜନ ସମୟରେ ସେମାନେ ବିଭିନ୍ନ ପ୍ରକାରର ଖାଦ୍ୟ ଖାଇବା ସହିତ ନିଜର ମତାମତ ଦେଉଥିବା ଦେଖାଯାଏ
ପଞ୍ଚମ ପ୍ରକାର : ଏହି ଶ୍ରେଣୀର ଲୋକମାନେ ନା ତ ବରପକ୍ଷର ନା କନ୍ୟାପକ୍ଷର ହୋଇଥାନ୍ତି, ଏମାନେ କେବଳ ସୁଯୋଗ ଉଣ୍ଡି ବିବାହ ସ୍ଥାନରୁ କିଛି କିଛି ଜିନିଷ ଚୋରୀକରିବା ଆଶାରେ ଆସିଥାନ୍ତି ଏହି ଶ୍ରେଣୀର ଛୋଟ ପିଲାମାନେ ଭୋଜନଶାଳାରେ ବାରମ୍ବାର ପ୍ରବେଶକରି ଖାଦ୍ୟପଦାର୍ଥ ସାମିଆନା ତଳଦେଇ ବାହାରକୁ ହରଣଚାଳ କରୁଥିବା ବେଳେ ଏହି ଶ୍ରେଣୀର ବୟସ୍କ ଲୋକମାନେ ଉପସ୍ଥିତ ଅତିଥି ମାନଙ୍କ ନଜର ଆଢୁଆଳରେ ଘରର ବିଭିନ୍ନ ଜିନିଷ ଉପରେ ହାତସଫା କରୁଥିବା ଦେଖାଯାଏ
ବର୍ତ୍ତମାନ ଆପଣ ନିଜେ ଭାବିନିଅନ୍ତୁ ଯଦି ଆପଣ କୌଣସି ବିବାହ ଉତ୍ସବକୁ ଯାଉଥାନ୍ତି ତେବେ ସେଠାରେ ଆପଣ କେଉଁ ଶ୍ରେଣୀରେ ନିଜକୁ ଗଣିବେ ?
ଆମ ଶିକ୍ଷାବ୍ୟବସ୍ଥା କେତେ ଆନନ୍ଦମୟ ?
ଏଠାରେ ପଢ଼ନ୍ତୁ !
ଅର୍ଥ ବିନିଯୋଗକାରୀଙ୍କୁ କ୍ଷତିପୂରଣ କେତେ ଯୁକ୍ତିଯୁକ୍ତ
ଏଠାରେ ପଢ଼ନ୍ତୁ !