ଆପଣଙ୍କ ମତାମତ ଏବଂ ବାର୍ତ୍ତା ମତାମତ ଦିଅନ୍ତୁ
ଲେଖା ଉପରେ ଟିପ୍ପଣୀ
Posted by asit mohanty, on 03 Jun 2021
ଏପ୍ରିଲ 2018 ଆହ୍ୱାନ ପତ୍ରିକାରେ ପ୍ରକାଶିତ ପ୍ରବୀଣ କୁମାର କବିଙ୍କ ଦ୍ୱାରା ଲିଖିତ "ସାମ୍ପ୍ରତିକ ଶିକ୍ଷା ବ୍ୟବସ୍ଥାରେ ନୈତିକ ଶିକ୍ଷା " ଶୀର୍ଷକ ଲେଖାଟି ପଢ଼ିଲି . ଲେଖକ ନୈତିକ ଶିକ୍ଷା ଉପରେ ଯେଉଁ ଗୁରୁତ୍ୱ ଦେଇଛନ୍ତି ତାହା ପ୍ରକୃତରେ ଶିକ୍ଷା ବ୍ୟବସ୍ଥାରେ ଘୋର ଅଭାବ ଦେଖା ଦେଇଛି ଯାହା ଯୁବ ସମାଜ ପାଇଁ ଏକ ଚିନ୍ତାର କାରଣ ହୋଇଛି . ବର୍ତ୍ତମାନ ସମୟରେ ସମସ୍ତେ ନୈତିକତା ପ୍ରଶ୍ନଟିକୁ ଉଠାଉଛନ୍ତି ,କାରଣ ନୈତିକତାର ପତନ ସାମାଜିକ ଜୀବନର ପ୍ରତ୍ୟକ କ୍ଷେତ୍ରରେ ଦେଖାଯାଉଛି . ସାମାଜିକ , ରାଜନୈତକ , ଆର୍ଥିକ ଜୀବନରେ ଏହାର ପ୍ରଭାବ ଅତି ଭୟଙ୍କର . ଏହାର ଉଦାହରଣ କରୋନା କାଳରେ ଜୀବନ୍ତ ଭାବରେ ଦେଖାଯାଇଛି . ନୈତିକ ଶିକ୍ଷା ବ୍ୟତିରକେ ଶିକ୍ଷା ଅପୂର୍ଣ୍ଣ .ଲେଖକ ବନ୍ଧୁ ନିଜେ ଜଣେ ଶିକ୍ଷକ ହୋଇଥିବାରୁ ସେ ଆହୁରି ଗଭୀର ଭାବରେ ଏହି ସମସ୍ୟାଟିକୁ ଉପଲବ୍ଧି କରୁଥିବେ , କାରଣ ସେ ଯୁବ ବର୍ଗ ସହିତ ସିଧା ଜଡିତ . ଆଜିର ଯୁବ ବର୍ଗ କିପରିଭାବେ ନୀତି ନୈତିକତା ହୀନ ହୋଇଯାଇଛନ୍ତି ତାହା ସେମାନଙ୍କ ସାମାଜିକ ଜୀବନରେ ଦୃଷ୍ଟିଗୋଚର ହେଉଛି . ଏଠାରେ ପ୍ରଶ୍ନ ଉଠୁଛି ଏହି ନୈତିକ ଶିକ୍ଷାକୁ କାହିଁକି ଅବହେଳା କରାଯାଉଛି ?ନୈତିକ ଶିକ୍ଷାର ଶ୍ରୋତ ଗୁଡିକ କଣ ଯାହା ସାହାଯ୍ୟରେ ନୈତିକତାର ମାନକୁ ଉର୍ଣ୍ଣତ କରାଯାଇପାରିବ , ଏହା କଣ ଆପେ ଆପେ ହେଉଛି ନ ଏହା ପଛରେ କୌଣସି ନିୟମ କାର୍ଯ୍ୟ କରୁଛି ଇତ୍ୟାଦି ବିଷୟରେ ଲେଖାରେ ଯଦି ପାଠକ ମାନଙ୍କୁ ରାସ୍ତା ଦେଖାଯାଇଥାନ୍ତା ତେବେ ଲେଖାଟିର ମାନ ଆହୁରି ଉଚ୍ଚ କୋଟିର ହୋଇଥାନ୍ତା ବୋଲି ମୋର ମନେ ହୁଏ . କିନ୍ତୁ ଲେଖକ ଏହି ପ୍ରଶ୍ନଟିକୁ ଉଠାଇଛନ୍ତି ସେଥିପାଇଁ ତାଙ୍କୁ ମୋ ପକ୍ଷରୁ ଅଶେଷ ଧନ୍ୟବାଦ !
ବହୁତ ସୁନ୍ଦର ଚେଷ୍ଟା
Posted by Priyanka Priyadarshini Ray, on 17 May 2021
ସବୁ ଲେଖା ବହୁତ ସୁନ୍ଦର ଏବଂ ବହୁତ ଭଲ ଲାଗିଲା, ବହୁତ ଆଗକୁ ଯାଆନ୍ତୁ!
ଆହ୍ୱାନ ପତ୍ରିକା ସାଧାରଣ ଜନତାଙ୍କର ପତ୍ରିକା
Posted by ଅସିତ କୁମାର ମହାନ୍ତି , on 10 May 2021
ମାନନୀୟ ସମ୍ପାଦକ ମହୋଦୟ ,
କିଛିଦିନ ତଳେ ମୁଁ ଆହ୍ୱାନ ପତ୍ରିକାର ସନ୍ଧାନ ପାଇଲି ଏବଂ ଅତି ଆଗ୍ରହର ସହିତ ବିଭିର୍ଣ୍ଣ ସମ୍ମାନୀୟ ବ୍ୟକ୍ତି ମାନଙ୍କର ଲେଖାଗୁଡିକୁ ପାଠ କଲି . ଓଡ଼ିଆ ଭାଷାକୁ ତାର ସମ୍ମାନ ଦେବାପାଇଁ ଯେମିତି ଆପଣଙ୍କର ପ୍ରୟାସ ଅମୁଲ୍ୟ ଠିକ ସେହି ପରି ଲେଖକ ମାନଙ୍କର ପ୍ରୟାସ ମଧ୍ୟ ଅମୁଲ୍ୟ . ଯେହେତୁ ସେମାନେ ଓଡ଼ିଆରେ ଲେଖା ଗୁଡିକୁ ଲେଖୁଛନ୍ତି ଏବଂ ଆହ୍ୱାନ ହେଉଛି ସେମାନଙ୍କ ପାଇଁ ଏକ ଉଚିତ ପ୍ଲାଟଫର୍ମ. ଆମ ଓଡ଼ିଶାରେ ଅନେକ ଲେଖକ ଅଛନ୍ତି ଯେଉଁମାନଙ୍କ ଲେଖାଗୁଡ଼ିକ ଅତ୍ୟନ୍ତ ସୃଜନାତ୍ମକ କିନ୍ତୁ ଆଜିକାଲି ଦୈନିକ ଖବର କାଗଜରେ ସେଗୁଡ଼ିକଙ୍କ ସ୍ଥାନ ପାଉନାହିଁ ,ଯାହାଫଳରେ ଅନେକ ଜ୍ଞାନ ବିଜ୍ଞାନର ଚର୍ଚ୍ଚା ଲୋକମାନଙ୍କ ପାଖରେ ପହଂଚି ପାରୁନାହିଁ . ଯେତେବେଳେ ଓଡ଼ିଆ ଭାଷାକୁ ବଞ୍ଚାଇ ରଖି ତାର ସମ୍ମାନକୁ ବିଶ୍ୱ ସମ୍ମୁଖରେ ରଖିବାର ଚେଷ୍ଟା ଚାଲିଛି ,ସେହି ପ୍ରୟାସରେ ଆହ୍ୱାନ ପତ୍ରିକା ତାର ଅମୁଲ୍ୟ ଯୋଗଦାନ ଦେବାପାଇଁ ଚେଷ୍ଟା କରୁଛି .କୌଣସି ଏକ ଭାଷାକୁ ତାର ସମ୍ମାନ ଦେବାର ଗୋଟିଏ ମାତ୍ର ରାସ୍ତାହେଉଛି ତାହା ଲୋକ ମାନଙ୍କ ପାଖରେ ପହଞ୍ଚିବା ଦରକାର . ଏହା ଯଦି ପାଠକ ମାନଙ୍କ ପାଖରେ ପହଞ୍ଚେ ତାହେଲେ ଲୋକ ମାନଙ୍କର ଚିନ୍ତନ ପ୍ରକ୍ରିୟାରେ ଏକ ପରିବର୍ତ୍ତନ ଆସିବ . ଯେଉଁ ଦେଶର ବା ରାଜ୍ୟର ଭାଷା ଯେତେ ଉର୍ଣ୍ଣତ ସେ ଦେଶର ଲୋକମାନଙ୍କର ଚିନ୍ତା ଭାବନାର ସ୍ତର ଅତ୍ୟନ୍ତ ଉଚ୍ଚ କୋଟିର ହୋଇଥାଏ . ଏହି କାରଣରୁ କୁହାଯାଇ ପାରେ ଯେ ଆହ୍ୱାନର ଭବିଷ୍ୟତ ଉଜ୍ଜ୍ୱଳ ମୟ. କିଛିଦିନ ଭିତରେ ଏହି ପତ୍ରିକାଟି ଓଡ଼ିଶାରେ ହାର୍ଡ କପି ଭାବେ ଲୋକମାନଙ୍କ ପାଖରେ ପହଞ୍ଚିବା ବୋଲି ମୋର ବିଶ୍ୱାସ . ଆଗାମୀ ଦିନରେ ଓଡ଼ିଆ ଭାଷାର ବିକାଶରେ ଆହ୍ୱାନ ଏକ ଅମୁଲ୍ୟ ଭୂମିକା ଗ୍ରହଣ କରିବ. କାରଣ ଓଡ଼ିଆ ଭାଷାକୁ ଶାସ୍ତ୍ରୀୟ ମାନ୍ୟତା ମିଳିବ ପରେ ମଧ୍ୟ ଅସଲ ମାନ୍ୟତାଟି ବର୍ତ୍ତମାନ ମଧ୍ୟ ଅପେକ୍ଷିତ. ଓଡ଼ିଆ ଭାଷାକୁ ତାର ମର୍ଯ୍ୟାଦା ଦେବାକୁ ହେଲେ ଜ୍ଞାନ ବିଜ୍ଞାନର ବିଭିର୍ଣ୍ଣ ଦିଗ ଗୁଡିକ ଯାହା ବର୍ତ୍ତମାନ ମଧ୍ୟ ଓଡିଆ ଭାଷାରେ ଅନୁବାଦ ହୋଇନାହିଁ ବା ଅନୁବାଦ ହୋଇଥିଲେ ମଧ୍ୟ ତାହା ଲୋକଲୋଚନକୁ ଆସିପାରୁନାହିଁ . ମୁଁ ଭାବେ ଆହ୍ୱାନ ଏହି ଭୂମିକାଟିରେ ଅଂଶ ଗ୍ରହଣ କରିବ . ବହୁତ ଲେଖକ ଅଛନ୍ତି ଯେଉଁମାନେ ଅନ୍ୟ ବହୁତ ଭାଷା ଜାଣିଛନ୍ତି ଏବଂ ସେହି ଭାଷାକୁ ଓଡ଼ିଆରେ ଅନୁବାଦ କରି ଜ୍ଞାନ ବିଜ୍ଞାନ ଗୁଡିକୁ ଲୋକମାନଙ୍କ ପାଖରେ ପହଞ୍ଚାଇବାରେ ଅମୁଲ୍ୟ ଭୂମିକା ଗ୍ରହଣ କରିବେ . ମୁଁ ଯାହା ଅନୁଭବ କରୁଛି ଆହ୍ବାନ ପତ୍ରିକାଟିରେ ମଧ୍ୟ ଏହି କାର୍ଯ୍ୟ ଗୁଡିକ ହେଉଛି ଯାହା ସରାହନୀୟ . ଅନେକ ଅନେକ ଅଭିନନ୍ଦନ .
ବହୁତ ସୁନ୍ଦର ପ୍ରଚେଷ୍ଟା
Posted by Ayushman Tripathy, on 15 Mar 2021
ଆପଣଙ୍କ ଏହି ସୁନ୍ଦର ପ୍ରଚେଷ୍ଟା ଅତ୍ୟନ୍ତ ପ୍ରଶଂସନୀୟ ସାର୍।🙏
Feedback regarding Aahwaan E-patrika
Posted by Rajib Lochan Panigrahy, on 18 Dec 2020
ଆପଣଙ୍କ ପ୍ରୟାସ ମହାନ ।
ମନ ଛୁଇଁ ଗଲା।
Posted by Ranjit singh, on 28 Aug 2020
ମାେ ଠାରେ ଭାଷା ନାହିଁ ଆପଣ ମାନଙ୍କୁ ଧନ୍ୟବାଦ୍ ଜଣାଉଛୁ। ଜଗନ୍ନାଥ୍ ଆପଣ ମାନଙ୍କୁ ସାହାଯ୍ୟ କରନ୍ତୁ।
ଆପଣଙ୍କ ପାଗଳପଣକୁ ସାଧୁବାଦ
Posted by ଶିଶିର କୁମାର ପଣ୍ଡା , କୁଆଁସ , ମେରଦା କାଟିଆ , ଯାଜପୁର, on 15 Aug 2020
ଆଜିକାଲି ପତ୍ରିକାଟିଏ ପ୍ରକାଶ କରିବା କିଛି ବଡ଼କଥା ନୁହେଁ । କିନ୍ତୁ ତାକୁ ନିୟମିତ ପାଠକମାନଙ୍କ ପାଖକୁ ଆଣିବା ଏତେ ସହଜ ହୁଏନି , ଯାହା ଆପଣ କରି ଦେଖେଇଛନ୍ତି । ମୁଁ ଲେଖାଲେଖି କରୁଥିବା ସାଧାରଣ ମଣିଷଟିଏ । ସେଇ ଦୃଷ୍ଟିରୁ 'ଆହ୍ୱାନ" ସହିତ ଅନେକେ ଦିନରୁ ଯୋଡ଼ି ହୋଇ ଯାଇଛି । ଆପଣଙ୍କ ପତ୍ରିକାରେ ଲେଖାଟିଏ ପ୍ରକାଶ ପାଇଲେ ଖୁବ୍ ଆତ୍ମସନ୍ତୋଷ ମିଳେ । ତାକୁ ଫେସବୁକ୍ ରେ ପୋଷ୍ଟ୍ କରିବାର ପ୍ରବଣତା ସବୁ କବିମାନଙ୍କର ଥାଏ, ଯାହା ମୋର ବି ଅଛି । ଆପଣଙ୍କ ଅବଦାନ ଓଡ଼ିଆ ସାହିତ୍ୟର ଉନ୍ନତି ପାଇଁ କିଛି କମ୍ ନୁହେଁ । ମୋ ମତରେ ସାହିତ୍ୟ ପ୍ରତି ସେମିତି ଦୁର୍ବଳତା ନଥିଲେ ଜଣେ କେବେବି ସମ୍ପାଦକ ହୋଇପାରିବେନି । ତାହା ଏକ ପାଗଳପଣ । ଆପଣଙ୍କ ସେଇ ପାଗଳପଣକୁ ମୋର ସାଧୁବାଦ । ମୁଁ ଯେତେଦିନ ଯାଏ ଲେଖୁଥିବି ସେତେଦିନ ପର୍ଯ୍ୟନ୍ତ "ଆହ୍ୱାନ" କୁ ଲେଖା ପଠାଇବାର ମୋହ ଛାଡ଼ି ପାରିବିନି । "ଆହ୍ୱାନ" ଦୀର୍ଘଜୀବୀ ହେଉ , ମୋର ଏତିକି କାମନା । ଜୟ ଜଗନ୍ନାଥ ।
ଓଡ଼ିଆ ଭାଷା ସାହିତ୍ୟର ସୁରକ୍ଷା ଓ ଅଭିବୃଦ୍ଧି ପାଇଁ ଏକ ମହତ୍ ପ୍ରୟାସ।
Posted by ଶ୍ରୀଯୁକ୍ତ ଦଣ୍ଡାସି ପ୍ରଧାନ,ଅବସରପ୍ରାପ୍ତ ପ୍ରଧାନ ଶିକ୍ଷକ, on 10 Aug 2020
ଆହ୍ବାନ ପତ୍ରିକାର ସମସ୍ତ କର୍ମକର୍ତ୍ତାମାନଙ୍କୁ କୃତଜ୍ଞତା ଜ୍ଞାପନ କରୁଛି। ସାମ୍ପ୍ରତିକ ସମୟର ତାଳେ ତାଳେ ଓଡ଼ିଆ ଭାଷା ସାହିତ୍ୟର ସୁରକ୍ଷା ଓ ଅଭିବୃଦ୍ଧି ପାଇଁ ଏହି ଭଳି ଏକ ଅଭିନବ ପ୍ରୟାସ ବାସ୍ତବିକ ପ୍ରଶଂସନୀୟ କାର୍ଯ୍ୟ। ଏଥି ନିମନ୍ତେ ସାଧୁବାଦ ଜଣାଉଛି। ପତ୍ରିକାର ଆଙ୍ଗିକ ଶୈଳୀ ଓ ସଉରଭର ଛତ୍ରେ ଛତ୍ରେସୁସଜ୍ଜିତ ସମ୍ପାଦନା ରେ ଗୁଣବତ୍ତାର ଉନ୍ନତ ମାନ ରହିଛି ,ଯାହାକି ପାଠକୀୟ ଶ୍ରଦ୍ଧା ଓ ସ୍ବୀକୃତି ପ୍ରଦାନକରେ । ପତ୍ରିକାର ପରିଚିତ ଓ ଭବିଷ୍ୟତ ଅତି ଉଜ୍ଜ୍ୱଳ ମୟ ଶୋଭା ବର୍ଦ୍ଧନ କରି ଉତ୍ତର ପିଢ଼ି କୁ ଉତ୍ସାହିତ କରିବ ଏଥିରେ ସନ୍ଦେହର ଅବକାଶ ନାହିଁ। ସମ୍ପାଦକ ମହାଶୟ ଙ୍କ ନିରାମୟ ଜୀବନ କାମନା କରି ରହିଲି। ବନ୍ଦେ ଉତ୍କଳଜନନୀ।
ଙ୍କୁ
ଖୁବ ସୁନ୍ଦ ର ପ୍ରୟାସ
Posted by Suchismita Behuria, on 23 Jul 2020
ଓଡିଆ ଭାଷା ସହିତ୍ୟ କୁ ଆଗକୁ ବଢାଇବର ଏହି ପ୍ରୟାସ ପାଇଁ ଆହ୍ୱାନ ପତ୍ରିକା କୁ ଧନ୍ୟବାଦ.
ଓଡ଼ିଆ ଭାଷା ଓ ସାହିତ୍ୟ ର ସମୃଦ୍ଧି ରେ ଆହ୍ଵାନର ଭୂମିକା ଅବିସ୍ମରଣୀୟ
Posted by ରମାକାନ୍ତ ସେଠ୍ , on 20 Jul 2020
ସାମ୍ପ୍ରତିକ ସମାଜରେ ଓଡ଼ିଆ ଭାଷା ଓ ସାହିତ୍ୟ କୁ ଆଗେଇ ନେବାରେ ଆହ୍ଵାନ ର ଭୂମିକା ଅବିସ୍ମରଣୀୟ /ସାହିତ୍ୟ ସମାଜର ଦର୍ପଣ ତେଣୁ ଭଷା ବଞ୍ଚିଲେ ସାହିତ୍ୟ ବଞ୍ଚିବ ତେଣୁ ଓଡ଼ିଆ ଭାଷା ଓ ସାହିତ୍ୟ କୁ ସାମ୍ପ୍ରତିକ ସମାଜରେ ଏହା ପ୍ରଦାନ କରିଛି ଏକ ଶ୍ରେଷ୍ଠ ଆଭିମୁଖ୍ୟ ତେଣୁ ଆହ୍ଵାନ ର ସମ୍ପାଦକ ଏବଂ ଅନ୍ୟ କର୍ମ କର୍ତ୍ତା ମାନଙ୍କୁ ମୋର ଗଭୀର ପ୍ରଣାମ......
ମତାମତ
Posted by Souvagya ranjan mahapatra , on 15 Jun 2020
ଅଗଣିତ ସାହିତ୍ୟ ପ୍ରେମୀ ମାନଙ୍କ ପ୍ରତିଭାକୁ ଲୋକଲୋଚନକୁ ଆଣି ପାରିଥିବା ଆହ୍ବାନ - ଇ-ପତ୍ରିକା ର ସମସ୍ତ କର୍ମକର୍ତ୍ତା ମାନଙ୍କୁ ମୋର ଅଶେଷ ଅଶେଷ ଧନ୍ୟବାଦ। ମୋର ଗୋଟିଏ କବିତା ଆହ୍ବାନ ପତ୍ରିକାରେ ପ୍ରକାଶ ପାଇଥିବାରୁ ମୁଁ ବେଶ୍ ଆନନ୍ଦିତ ଓ ଆହ୍ବାନ କମିଟି କୁ ଅଶେଷ ଅଶେଷ ଧନ୍ୟବାଦ ଜଣାଉଛି।
ସହୃଦୟ ଧନ୍ୟବାଦ ଜ୍ୟୋତି ପ୍ରସାଦ ମହୋଦୟ ଙ୍କୁ। 🙏🙏
ସୁନ୍ଦର ଲେଖା
Posted by ସନ୍ତୋଷ କୁମାର ପାତ୍ର , on 17 May 2020
ସମ୍ପାଦକ ମହୋଦୟ ,
ମାର୍ଚ୍ଚ ମାସ 2020ରେ ଆହ୍ୱlନରେ ପ୍ରକାଶିତ ପ୍ରଶାନ୍ତ ପଧାନଙ୍କ କବିତା “ବିଦଗ୍ଧ ସ୍ୱର”ରେ କବିଙ୍କର କବିତା ପ୍ରେମ ଆଲ୍ହାଦିତ କଲା କବିତାଟି ସମ୍ପୂର୍ଣରୂପେ କବିତାମୟ, କବିତାର ପ୍ରତିଧ୍ଵନିରେ ପରିପୂର୍ଣ l କବିତାର ପ୍ରେମରେ ସମ୍ମୋହିତ କବି; କବିତାର ପ୍ରେରଣାରେ ସୁସଜିତ କରିଛନ୍ତି କବିତାର କମନୀୟ କାୟା l ପ୍ରତ୍ୟେକ କବିର ପ୍ରତିଷ୍ଠା ପଛରେ ଏକ କବିତାର ହାତ ଥାଏ - ସେ ଶବ୍ଦର ହେଉ ବା ରକ୍ତ ମାଂସର l “ପ୍ରେମିକ ମୁଁ କବିତାର l କବିତା ସାଜିଛି ଜୀଵନେରେ ମୋର ବଡ ଏକ ଦୁର୍ବଳତା l ଓଃ! ପୁନଶ୍ଚ ସେହି କବିତା !
ଧନ୍ୟବାଦ l
ସନ୍ତୋଷ କୁ. ପାତ୍ର
ଆପଣଙ୍କ ମତାମତ ଦିଅନ୍ତୁ
