: ବିଜୟ କୁମାର ପଣ୍ଡା

ଶୂନ୍ୟତାରେ ଭରା ହୃଦୟରେ ମୋର ସ୍ନେହ ପ୍ରେମ ଭରିଦେଲ

ମୋର ଅସହାୟ ମନେ ପ୍ରତି ମୁହୂର୍ତ୍ତରେ ଅନୁକମ୍ପା ଯୋଗାଇଲ

ସଂସାରଟା ଯେବେ ମିଛ ଲାଗୁଥିଲା ତୁମେ ବିଶ୍ବାସ ବୁଣିଦେଲ

ଶବ୍ଦରେ ପ୍ରକାଶ ହୋଇବା ଆଗରୁ ହୃଦୟର ଭାଷା ପଢ଼ିନେଲ୤

ମୋ ଜୀବନ ରାଜରାସ୍ତାରେ ତୁମେ ଚଲାପଥ ଦେଖାଇଲ

ପ୍ରଶ୍ନବାଚୀ ଭରା କଣ୍ଟକିତ ପଥେ ସବୁ ଉତ୍ତର ଖୋଜିଦେଲ

ପତ୍ରଝଡ଼ା ଦେଲା ଯେବେ ସପନର ବୃକ୍ଷ ଯତନେ ସାଉଁଟିଲ

ସପନ ସୋପାନେ ମୋର ହାତଧରି ସଫଳତା ଆଣିଦେଲ୤

ତୁମ ସାଥେ ନିତି ଚାଲିଚାଲି ପଥ ପହଞ୍ଚିଲି ସେ କୂଳରେ

ସେ କୂଳରୁ ଯେବେ ଫେରି ମୁଁ ଚାହିଁଲି ତୁମେ ଥିଲ ବହୁଦୂରେ

ଝାପସା ଝାପସା ଦିଶୁଥିଲା ଏବେ ସ୍ମୃତି ଗ୍ରନ୍ଥର ପ୍ରତି ଫର୍ଦ୍ଦ

ଚେଷ୍ଟା ବି କରିନି ପଢ଼ିବାକୁ କେବେ ଗୋଟିଏ ହେଲେ ଶବ୍ଦ୤

ବଦଳି ଯାଇଛି ମୋର ଚଲାପଥ ସହ ବର୍ଣ୍ଣମାଳା ଜୀବନର

ବଦଳି ଯାଇଛି ପୁଣି ସମ୍ପର୍କର ଡୋରୀ ବ୍ୟାକରଣ ଜୀଇଁବାର୤

ଇମେଲ୍ : editor.bijayagatha@gmail.com